अन्तरिम प्रशिक्षकमा काम गर्दै आएका सोलारीलाई रियलले स्थायी प्रशिक्षकको जिम्मेवारी दिने निर्णय गरेसँगै उनी रियल मड्रिडका मुख्य प्रशिक्षक बनेका हुन्।
चेल्सीका पूर्व प्रशिक्षक एन्टोनियो कोन्टे र म्यान्चेष्टर युनाईटेडका मुख्य प्रशिक्षक जोसे माउरिन्होमध्ये एकलाई मुख्य प्रशिक्षक बनाउन चाहेको रियलले उनीहहरूसँग वार्ता नमिलेपछि अन्तरिम प्रशिक्षकलाई नै निरन्तरता दिने निर्णय गरेको हो ।
स्पेनिस फुटबल एसोसियसनमा २ साताभन्दा बढी अन्तिरिम प्रशिक्षक राख्न पाइन्न।
निरन्तरको खराब नतिजापछि मुख्य प्रशिक्षक जुलेन लुपेटगुईलाई बर्खास्त गर्दै रियलले क्लबको बी टिम हेरिरहेका सोलारीलाई सिनियर टिमको मुख्य प्रशिक्षकको जिम्मेवारी दिएको थियो।
उनले टिम सम्हाले लगत्तै लगातार चार खेलमा जित निकालेपछि क्लबले सोलारीलाई स्थायी प्रशिक्षक बनाउने निर्णयमा पुगेको हो ।
उनले क्लबको जिम्मेवारी लिँदा स्पेनिस लिगमा रियल नवौ स्थानमा थियो। अहिले रियल तालिकाको छैठौं स्थानमा उक्लिएको छ। साथै शीर्ष स्थानको बार्सिलोनासँगको अंक दूरी ४ मा पुयाएको छ।