इटालियन सिरी 'ए' फुटबलमा युभेन्ट्सले अपराजित यात्रामा कायम राखेको छ। एसि मिलानलाई आइतबार राति २-० ले हराउँदै गर्दै युभेन्ट्सले अपराजित यात्रा १२ खेलसम्म कायमै राखेको हो।
मिलानको घरेलु मैदानमा युभेन्ट्सलाई जिताउन क्रिष्टियानो रोनाल्डो र मारियो मान्डजुकिकले एक-एक गोल गरे।
१० खेलाडीमा सिमित घरेलु टोलीविरुद्ध युभेन्ट्सले खेलमा पकड जमाए पनि धेरै गोल गर्न सकेन।
खेलको आठौं मिनेटमा मान्डजुकिले गोल गर्दै घरेलु टोलीविरुद्ध युभेन्ट्सको सुरुवाती अग्रता दिलाए।
पहिलो हाफ १-० ले अघि रहेको युभेन्ट्सले दोस्रो हाफमा थप एक गोल गर्दै जित सुनिश्चित गर्यो।
खेलको ८१ औं मिनेटमा रोनाल्डोले गोल गर्दै युभेन्ट्सको अग्रता दोब्बर पारे।
खेलको ८३ औं मिनेटमा मिलानका गोन्जालो हिगुईनले दोहोरो पहेँलो कार्डसहित मैदान बाहिरिएसँगै घरेलु टोली १० खेलाडीमा समेटियो।
त्यसपछि मिलान खेलमा फर्कन सकेन र घरेलु मैदानमै २-० ले पराजित भयो।
यो जितसँगै युभेन्ट्सले लिगमा ११ औं जित निकालेको छ। युभेन्ट्सले १२ खेलबाट ३४ अंक जोडेको छ। यस्तै दोस्रो स्थानमा रहेको नापोली समान खेलबाट २८ अंक जोडेको छ। तेस्रो स्थानमा इन्टर मिलान तथा चौथो स्थानमा लाजिओ र मिलान २१ अंक जोडेर पाँचौ स्थानमा छ।
