क्रिष्टल प्यालेसमाथि सहज जित निकाल्दै चेल्सी इंग्लिस प्रिमियर लिग फुटबलको दोस्रो स्थानमा उक्लिएको छ।
आइतबार राति भएको खेलमा चेल्सीले क्रिष्टल प्यालेसमाथि ३-१ को सहज जित निकालेको हो।
घरेलु मैदान स्टामफोर्ड ब्रिजमा चेल्सीलाई जिताउन अल्भारो मोरटाले दुई तथा पेड्रोले एक गोल गरे। क्रिष्टल प्यालेसका एन्ड्रोस टाउनसेन्डले एक गोल फर्काएका थिए।
ले खेलको ३२ औं मिनेटमा मोरटाको गोलबाट सुरूवाती अग्रता बनाएको चेल्सीले पहिलो हाफमा १-०को अग्रता लियो।
खेलको ५३ औं मिनेटमा क्रिष्टलका टाउनसेन्डले गोल गर्दै खेललाई १-१ को बराबरीमा ल्याए।
खेलको ६५ औं मिनेटमा मोरटाले गोल गर्दै चेल्सीलाई पुन अग्रता दिलाए।
त्यसपछि खेलको ७० औं मिनेटमा पेड्रोले गोल थप्दै चेल्सीलाई ३-१ को सहज जित दिलाए।
यो जितसँगै चेल्सी लिभरपुललाई पछि पार्दै लिगको दोस्रो स्थानमा उक्लिएको छ। चेल्सीले ११ खेलबाट २७ अंक जोडेको छ। लिभरपुलसँग समान २७ अंक भए पनि चेल्सी गोल अन्तरमा दोस्रो स्थानमा उक्लिएको हो। २९ अंक सहित म्यान्चेष्टर सिटी शीर्ष स्थानमा छ।