अन्तिम चार मिनेट भित्र दुई गोल गर्दै इंग्लिस प्रिमियर लिग फुटबलमा एभर्टनले क्रिस्टल प्यालेसलाई हराएको छ।
आइतबार भएको खेलमा एभर्टनले क्रिस्टललाई २-० ले हराएको हो ।
घरेलु मैदानमा अन्तिम ४ मिनेटभित्र दुई गोल गर्दै एभर्टनले जित निकालेको हो। एभर्टनको जितमा डोमिनिक लेविन र सेन्क टोसुनले एक-एक गोल गरे ।
खेलको ८७ औं मिनेटमा लेविनले हेडबाट गोल गर्दै एभर्टनलाई सुरूवाती अग्रता दिलाएका थिए। त्यसको २ मिनेट पछि ८९ औं मिनेटमा टोसुनले गोल गर्दै एभर्टनलाई सहज जित दिलाए।
त्यसअघि खेलको ६० औं मिनेटमा पाएको पेनाल्टीबाट क्रिस्टलले गोल गर्ने मौका गुमाएको थियो। क्रिस्टलका लुका मिलिजोभिचका पेनाल्टी प्रहार एभर्टनका किपर जोर्डन पिकफोर्डले बचाएका थिए ।
यो जितसँगै ९ खेलबाट १५ अंक जोडेको एभर्टन लिगको आठौं स्थानमा छ। ७ अंक जोडेको क्रिस्टल १५ औं स्थानमा छ।
