यसै सिजन इटालियन क्लब यभेन्टस आएका क्रिस्टियानो रोनाल्डोले नयाँ कीर्तिमान बनाएका छन्।
सिरी ए अन्तर्गत घरेलु मैदानमा जेनोआविरुद्ध गोल गर्दै रोनाल्डोले अर्को नँया किर्तिमान बनाएका हुन्।
यो गोलसंगै रोनाल्डोको लिगमा ४ सय गोल पुरा भएको छ। युरोपको शीर्ष ५ लिगमा ४ सय गोल गर्ने रोनाल्डो पहिलो खेलाडी बनेका छन्।
उनले प्रिमियर लिगमा म्यानचेस्टर युनाइटेडबाट ८४, ला लिगामा रियल म्याड्रिडबाट ३ सय ११ र युभेन्टसबाट ५ गोल गर्दै ४ सय गोल पुरा गरेका हुन्। उनले युभेण्टसका लागि मात्र १० खेलबाट पाँच गोल गरिसकेका छन् ।
रोनाल्डोलाई पछ्याउँदै गरेका बार्सिलोनाका स्टार लियोनल मेस्सीको नाममा भने ३ सय ८९ गोल छ।
