पल्सर सहिद स्मारक ‘ए’ डिभिजन लिग फुटबलको पहिलो खेलमा त्रिभुवन आर्मी क्लब र एनआरटीको खेल २–२ गोलको बराबरीमा टुङ्गिएको छ ।
सातदोबाटोस्थित एन्फा कम्प्लेक्समा शनिबार भएको पहिलो खेलमा एनआरटीले १२औं मिनेटमा गोल गर्दै अग्रता कायम गरेको थियो। । एनआरटीले दोस्रो पटक प्राप्त कर्नरमा गोल गरेको हो ।
निशान लिम्बुले प्रहार गरेको कर्नर बललाई रिवाउन्डमा रोजित पुडासैनीलेले गोलमा परिणत गरेका थिए ।
सो खेलमा आर्मीले ३८औं मिनेटमा पेनाल्टीमार्फत बराबरी गर्यो ।
एनआरटीका खेलाडीले डि–बक्समा ह्यान्ड गरेपछि आर्मीले पेनाल्टी पाएको थियो । सो पेनाल्टी सन्तोष तामाङले प्रहार गरेका थिए।
पहिलो हाफमा १–१ गोलको बराबरीमा सकिएको थियो ।
खेलको दोश्रो हाफको ६४औं मिनेटमा एनआरटीले गोल गर्दै अग्रता कायम गर्यो । एनआरटीका स्ट्राइकर राजेश परियारले मैदानको मध्यभागबाट एक्लै चार डिफेन्डरलाई बिट गर्दै सो गोल गरेका थिए ।
त्यसपछि कुनै गोल हुन सकेन।
इन्जुरी समयमा गोलरक्षकले ६ सकेन्डभन्दा बढी समय बल होल्ड गरेपछि भन्दै रेफ्री सुदिश पान्डेले आर्मीलाई इनडाइरेक्ट फ्रिकिक दिएपछि सो फ्रिकिक गोलमा परिणत भयो जसका कारण आर्मी हारबाट जोगियो।
लिगको दोस्रो दिन आइतबार सरस्वती युवा क्लब र संकटा क्लब भिड्नेछन् ।
-1746009348.jpg)
