फिफाले सोमबार राति घोषणा गरेको फिफा अवार्डमा उत्कृष्ट ११ खेलाडीको घोषणामा अघिल्लो वर्षको टिममा ५ परिवर्तन गर्दै फिफा फिफप्रो टिमको घोषणा गरेको छ।
अघिल्लो वर्ष टोलीमा नेइमार, बुफोन, इनेष्टा,टोनी तथा बोनुसी
सो टोलीमा उत्कृष्ट खेलाडीको दौडमा रहेका मोहम्मद सलाह पर्न सकेनन भने सोही विधाका दुई प्रतिष्पर्धी क्रिस्टियानो रोनाल्डो र लुका मोड्रीच भने परेका छन् । टोलीमा बार्सिलोनाका फरवार्ड लिओनेल मेसी पनि उक्त टोलीमा अटाएका छन् । टोलीमा सलाह नपर्नुलाई आश्चर्यजनक मानिएको छ।
टोलीको फिफाले गोलरक्षकमा स्पेन तथा म्यानचेस्टर युनाइटेडका डेविड डे हेयालाई स्थान दिएको छ भने डिफेन्समा पीएसजीका ब्राजिलियन डिफेन्डर ड्यानीएल आल्भेससँगै रियलका डिफेन्सत्रय सर्जियो रामोस, राफेल भारान र मार्सेलोले परेका छन् ।
यस्तै मिडफिल्डमा मिडफिल्डर लुका मोड्रीच र एनगोलो कान्टे अटाए ।
बेल्जियमका कप्तान इडेन हाजार्डलाई मिडफिल्डमा राखिएको छ । सो स्थानमा उनीसँगै बार्सिलोना तथा अर्जेन्टिनी राष्ट्रिय टोलीका कप्तान लिओनेल मेसी छन् ।
पोर्चुगलका कप्तान क्रिस्टियानो रोनाल्डो र फ्रान्सेली युवा फरवार्ड किलियन एमबाप्पे स्ट्राइकिङमा छन् ।
अवार्ड समारोहमा सो टोलीको घोषणा हुँदा मेसी र रोनाल्डो अनुपस्थित बाहेकका ९ जना खेलाडी उपस्थित रहेका थिए ।
रोनाल्डो युरोपेली उत्कृष्ट खेलाडीको मनोनयनमा परेर पनि अवार्ड समारोहमा सहभागी बनेका थिएनन् ।
