थ्रीस्टार क्लबले यही असोज १३ गतेदेखि शुरु हुने शहीद स्मारक ए डिभिजन लिगका लागि आज २५ खेलाडी सम्मिलित टोली घोषणा गरेको छ ।
अखिल नेपाल फुटबल सङ्घ (एन्फा)ले बनाएको नियमानुसार ए डिभिजन लिग खेल्ने क्लबले आजसम्म कम्तीमा १८ खेलाडी दर्ता गर्नुपर्ने थियो ।
त्यसैअनुसार थ्रीस्टारले दर्ता गरेको खेलाडीको नाम सार्वजनिक गरिएको क्लबका महासचिव सञ्जीव शिल्पकारले जानकारी दिएका छन् ।
थ्रीस्टारले बिहीबार मात्र राष्ट्रिय टोलीका कप्तान अनिल गुरुङलाई क्लबमा अनुबन्ध गरेको थियो ।
सार्वजनिक गरिएको टोलीमा अनिलसँगै रञ्जन विष्ट, अनन्त तामाङ, सुनील बल, विक्रम लामा, निराजन खड्का, एलान न्यौपानेजस्ता राष्ट्रिय खेलाडीलाई समावेश गरिएको छ ।
थ्रीस्टारको टोलीमा गोलकिपर एलन न्यौपाने, पूर्ण चाम्लिङ र अभिषेक बराल, डिफेन्डरमा अनन्त तामाङ, रञ्जीत धिमाल, विजय धिमाल, विष्णु सुनार, अशोक खवास, जीवन गुरुङ र पिटर सेगुन छन् ।
मिडफिल्डमा विक्रम लामा, निराजन खड्का, सुनील बल, रुपेश केसी, मिसान लामा, दीपेश घले र दीपसन राउत तथा फरवार्डमा अनिल गुरुङ, रञ्जन विष्ट, बुद्ध लिम्बू, समुन श्रेष्ठ, अजायी मार्टिनिज र जेनिश प्रजापति छन् ।
झण्डै चार वर्षपछि एन्फाले ए डिभिजन लिग आयोजना गर्न लागेको हो । थ्रीस्टारले ए डिभिजन लिग पाँच पटक जितेको छ ।
थ्री स्टार क्लबको टिम :
गोलरक्षक- एलेन न्यौपाने, पूर्ण चेम्जोङ, अभिषेक बराल
डिफेन्डर- अनन्त तामाङ, रन्जित धिमाल,अशोक खवास, जीवन गुरुङ, विजय धिमाल, विष्णु सुनार, पिटर सेगुन
मिडफिल्डर- बिक्रम लामा, निराजन खड्का, रुपेश केसी, मिसन लामा, सुनिल बल, मिक्छेन तामाङ, दीपेश घले, सुशिल राई, दिप्सन राउन
फरवार्ड- अनिल गुरुङ, बुद्ध चेम्जोङ, रन्जन विष्ट, सुसन श्रेष्ठ, जेनिस प्रजापति, अजायी मार्टिन्स