यूईएफए युरोपा लिगमा बिहीबार भएको खेलमा बेल्जियन क्लब स्टान्डर्ड लिएज स्पेनिस टोली सेभिल्लासँग ५-१ ले पराजित भएको छ।
खेलको आठौँ मिनेटमा एभर बनेगाको गोलमा सेभिल्लाले अग्रता लिएको थियो । लिएजले ३९ औं मिनेटमा मौस जेनेपोको गोलमा खेललाई बराबरीमा ल्याएको थियो तर सो बराबरी धेरैबेर टिक्न सकेन ।
त्यसको २ मिनेटमै फ्रान्को भाज्केजले गोल गर्दै खेलमा सेभिल्लाले फेरि अग्रता लिए । पहिलो हाफ २-१ को नतिजामा टुङ्गिएको खेलमा सेभिल्लाका लागि दोस्रो हाफमा विसाम बेन एडरले सेभिल्लाकले २ गोल गरे र आफ्नो टोलीलाई जीतको नजिक पुर्याए ।
खेलको ४९ औं र ७० औं मिनेटमा उनले टोलीका लागि गोल गरेका थिए ।
त्यस्तै खेललाई ५-१ को नतिजामा समापन गर्ने क्रममा कप्तान एभर बनेगाले ७४ औं मिनेटमा गोल गरे । खेलमा यो उनको व्यक्तिगत दोश्रो गोल थियो। जितसँगै सेभिल्ला यस समूहको शीर्ष स्थानमा पुगेको छ ।
त्यस्तै समूह ‘जे’ अन्तर्गत अर्को खेलमा एफसी क्राजोन्डारविरूद्ध अखिसार्स्पोर १-० ले पराजित भएको छ । क्राजोन्डारका भिक्टर क्लासेनले २६ औं मिनेटमा गरेको गोलले उनीहरूलाई जित दिलायो ।