मनाङ–मस्र्याङ्दी क्लबले नाइजेरियाका प्रशिक्षक फुजा तापेलाई क्लबमा नियुक्त गरेको छ । यही असोज १३ गतेदेखि शुरु हुने सहिद स्मारक ए डिभिजन लिगलाई लक्षित गर्दै मनाङले नाइजेरियाका प्रशिक्षकलाई क्लबमा भित्र्याएको जनाएको छ ।
सम्झौताको रकम भने खुलाइएको छैन ।
मनाङका महासचिव मुखिया लामाले नाइजेरियाका प्रशिक्षकलाई क्लबमा ल्याइएको बताए । तापेले सन् २००५ मा काठमाडौँको सरस्वती युथ क्लबलाई प्रशिक्षण दिएका थिए ।
मनाङले केही दिनअघि अफ्रिकी खेलाडीसमेत क्लबमा ल्याइसकेको छ ।
