क्रिस्टियानो रोनाल्डोले इटालियन क्लब फुटबल प्रतियोगिता शनिबार राति सिरी ए को नयाँ सिजनमा डेब्यू गरेका छन्।
नयाँ सिजनको उद्घाटन खेलमा युभेन्टसबाट लागि रोनाल्डोले किएभो भेरोनासँग डेब्यू गरेका हुन्।
सिरी एको पहिलो खेलमा युभेन्टसले किएभो भेरेनामाथि ३-२ को जित निकाल्दै विजयी सुरूवात गरेको छ।
युभेन्टसको जितमा सामी खेदिरा, लिओनार्दो बोनुची र फेड्रिकोले गोल गरे। किएभोका लागि स्टेपिन्स्की र इम्मानुएल जियाचेरिनीले गोल फर्काए।
खेलको तेस्रो मिनेटमै अग्रता लिएको युभेन्टसलाई जितका लागि निकै संघर्ष गर्नुपर्यो।
खेल सुरु भएको तेस्रो मिनेटमै युभेन्टसका लागि सामी खेदिराले गोल गर्दै टिमलाई अग्रता दिलाएका थिए। त्यसपछि खेलको ३८ औँ मिनेटमा किएभोका लागि स्टेपिन्स्कीले बराबरी गोल फर्काएका थिए।
पहिलो हाफसम्म १-१ को बराबरी भएको खेलको दोस्रो हाफको ५६औं मिनेटमा पाएको पेनाल्टीमा गोल गर्दै इम्मानुएल जियाचेरिनीले भेरोनाको अग्रता बढाएका हुन्। तर खेलको ७५ औं मिनेटमा युभेन्टसका लागि लिओनार्दो बोनुचीले गोल गर्दै खेललाई २-२ को बराबरीमा ल्याएका थिए।
खेलको इन्जुरी समयमा फेड्रिकोले गोल गर्दै युभेन्टसलाई विजयी सुरूवात दिलाए। यो सँगै लिगमा ३ अंक जोडेको युभेन्टस शीर्ष स्थानमा उक्लिएको छ।
यसै सिजन स्पेनिस क्लब रियल मड्रिडबाट कीर्तिमानी मूल्यामा युभेन्टस आएका रोनाल्डोले गोलका केही राम्रा अवसर खेर फाले करिब आधा दर्जन उनका प्रहार खेर गएका थिए।
डेब्यू खेलमा गोल गर्न नसकेपनि उनले उत्कृष्ट प्रदर्शन गरे।
रोनाल्डो आएसँगै चर्चाको शिखरमा पुगेको सिरी ए फुटबलमा पनि रोनाल्डोले आफ्नो प्रभाव कायम राख्ने संकेत दिएका छन्।
