युभेन्ट्समा आवद्ध भएपछि क्रिस्टियानो रोनाल्डो चीनमा छुट्टी मनाइरहेका छन्।
उनको यो चीन भ्रमण वार्षिक कार्यक्रम अन्तर्गत रहेको बताइएको छ। पछिल्लो समय एसिया महादेशका आफ्ना समर्थकलाई रिझाउन उनले वार्षिक रुपमा ‘सिआर ७’ भ्रमण गरिरहेका छन्।
रोनाल्डो आफू आवद्ध व्यापारिक कम्पनी नाइकको विशेष विमानद्वारा बुधबार चीनतर्फ आएका थिए। उनले चीनमा आफ्ना फ्यानहरूलाई भेटेका छन्। साना नानीहरूसँग फुटबलसमेत खेलेका छन्।
३३ वर्ष रोनाल्डोका लागि युभेन्ट्सले गत साता स्पेनिस क्लब रियल म्याड्रिडलाई १०० मिलियन युरो खर्चिएको थियो।