सेभियाका डिफेन्डर क्लेमेट लेङलेट स्पेनिस क्लब बार्सिलोनामा आवद्ध भएका छन्। सेन्टर ब्याकबाट फुटबल खेल्ने लेङलेटलाई बार्सिलोनाले पाँच वर्षको लागि ३२ मिलियन पाउण्डमा अनुबन्ध गरेको हो।
सेभियाबाट व्यवसायिक फुटबल खेल्ने गरेका २३ वर्षिय लेङलेटलाई बार्सिलोनाले यो सिजन दोस्रो खेलाडीको रूपमा क्लब भित्र्याएको हो।
सन् २०१७ मा नान्सीबाट सेभिया आएका उनले गत सिजन ५२ खेलबाट ४ गोल गरेका थिए ।
बार्सिलोनाले लेङलेट अनुबन्ध गरेलगत्तै उनको रिलिज क्लउज पनि तोकेको छ। बार्सिलोनाले उनको रिलिज क्लउज ३ सय मिलियन युरो राखेको छ।