युरो च्याम्पियन पोर्चुगलका कप्तान रोनाल्डो अहिले लयमा देखिएका छन्। दुई वर्षअघि युरोकपको उपाधि जिताएका तिनै रोनाल्डोसामू अहिले अन्तिम मौका आएक छ- पोर्चुगललाई विश्व च्याम्पियन बनाउने।
फिफा विश्व बरियतामा चौथो स्थानमा रहेको पोर्चुगलले दुई वर्षअघि फ्रान्सलाई हराएर पहिलो पटक अन्तर्राष्ट्रिय प्रतिस्पर्धाको उपाधि जितेको पोर्चुगलले विश्वकपको उपाधि उचालेमा नयाँ इतिहास रच्नेछ।
विश्वकप इतिहासमा पोर्चुगल अहिलेसम्म ६ पटक सहभागी भएको छ । त्यसमा ऊ दुई पटक सेमिफाइनलसम्म पुग्न सफल भएको छ ।
उसको विश्वकपमा सबै भन्दा ठूलो उपब्धी भनेको सन् १९६६ मा पाएको तेस्रो स्थान हो। उसको विश्वकपमा पहिलो सहभागिता नै सन् १९६६ हो र त्यही बेला नै ऊ तेस्रो भयो ।
गएको विश्वकपमा पोर्चुगल समूह चरणबाटै बाहिरिएको थियो। पोर्चुगलले अहिलेसम्म फाइनलमा स्थान बनाउन सकेको छैन ।
३३ वर्षिय रोनाल्डोले तीन पटक विश्वकप खेलिसकेका छन्। तर सन् २००६ मा सेमिफाइनलमा पुग्नुनै टोलीका लागि उनले गरेको सबैभन्दा ठूलो योगदान हो।
पोर्चुगलका कप्तान रोनाल्डो क्लब फुटबलमा आफूलाई अब्बल साबित गराइसकेका छन्। यो अब रोलाल्डोका लागि टिमलाई च्याम्पियन बनाउने अन्तिम मौका हुनेछ। यसपछि सायदै उनी आगामी विश्वकप खेल्नेछन्।
समूह बीमा रहेको पोर्चुगलकै समूहमा विश्वकपको दाबेदार मध्ये एक मानिएको स्पेन पनि छ। यस्तै मोरक्को र इरान पनि समूहमा रहेका छन् ।
समूह चरणको पहिलो खेल नै निकै भव्य छ । जुन १५ मा युरोपियन च्याम्पियन पोर्चुगल र उपाधि होडमा रहेको स्पेनबिच प्रतिस्पर्धा हुनेछ।
यस्तो छ टिम पोर्चुगल
गोलरक्षक : एन्थोनी लोपेज, बेटो, रुइ पाट्रिसिओ
डिफेन्डर : ब्रुनो एल्वेस, सेड्रिक सोएरिस, जोसे फोन्टे, मारिओ रुइ, पेपे, राफायल गुएरिरो, रिकार्डो परेरा, रुबेन डिएस
मिडफिल्डर : एड्रियन सिल्भा, ब्रुनो फर्नान्डेस, जोएओ मारिओ, जोएओ माउटिन्हो, म्यानुएल फर्नान्डेस, विलियम कारवाल्हो
फरवार्डस् : आन्द्रे सिल्भा, बर्नार्डो सिल्भा, क्रिष्टियानो रोनाल्डो, गेल्सन मार्टिन्स, गोन्कालो गुएडेस, रिकार्डो क्वारेस्मा
