विश्व क्रिकेट लिग (डब्लुसिएल) च्याम्पियनसिप अन्तर्गत नेपाललाई हङकङले १९५ रनको लक्ष्य दिएको छ।
हङकङको टिन कङ रिक्रिएसन मैदानमा टस हारेर पहिले ब्याटिङ गरेको हङकङले निर्धारित ५० ओभरको खेलमा सबै विकेट गुमाउँदै १९४ रन बनायो।
नेपालका लागि बसन्त सन्दिप लामिछानेले ३ तथा करण केसी र बसन्त रेग्मीले समान २–२ विकेट लिए। सुशन भारीले १ विकेट लिए भने बाँकी खेलाडी रन आउट भए।
शुक्रबार र आइतबार हुने दुई खेलले नेपालको आगामी यात्रा तय हुनेछ। जित हात पारे तालिकाको शीर्ष चारमा पुगेर एक दिवसीय विश्वकप छनोट खेल्ने सम्भावना जीवित रहन्छ। हारले नेपाल डिभिजन–२ मा झर्नेछ। यद्यपि डिभिजन–२ मा शीर्ष दुईभित्र पर्न सके एक दिवसीय विश्वकप खेल्ने विकल्प बाँकी नै रहनेछ। डब्लुसिएलको पाँचौं चरणको खेल सकिँदा नेपाल ८ अंक जोडेर छैटौं स्थामा छ। हङकङ ११ अंकसहित तालिकाको पाँचौ स्थानमा छ।
हेर्नुहोस् लाइभ भिडियो :
https://www.youtube.com/watch?v=irTbpnMs8-w