विश्व क्रिकेट लिग (डब्लुसिएल) च्याम्पियनसिपको छैटौं चरणको खेलमा नेपालले अहिले हङकङसँग प्रतिस्पर्धा गरिरहेको छ। हङकङको टिन कङ रिक्रिएसन मैदानमा टस जितेको नेपालले पहिले बलिङ गरिरहेको छ।
नेपाललाई अहिले सुरूवाती सफलता मिलेको छ। नेपालका लागि करण केसीले पहिलो विकेट लिए।
करणले हङकङका ओपनिङ ब्याट्सम्यान अंशुमान राथलाई शून्य रनमा आउट गरेका हुन्।
शुक्रबार र आइतबार हुने दुई खेलले नेपालको आगामी यात्रा तय हुनेछ। जित हात पारे तालिकाको शीर्ष चारमा पुगेर एक दिवसीय विश्वकप छनोट खेल्ने सम्भावना जीवित रहन्छ। हारले नेपाल डिभिजन–२ मा झर्नेछ। यद्यपि डिभिजन–२ मा शीर्ष दुईभित्र पर्न सके एक दिवसीय विश्वकप खेल्ने विकल्प बाँकी नै रहनेछ। डब्लुसिएलको पाँचौं चरणको खेल सकिँदा नेपाल ८ अंक जोडेर छैटौं स्थामा छ। हङकङ ११ अंकसहित तालिकाको पाँचौ स्थानमा छ।
हेर्नुहोस् लाइभ भिडियो :
https://www.youtube.com/watch?v=irTbpnMs8-w
