आइसिसी मेन्स टी-२० विश्वकप एसिया एन्ड इएपी छनोटमा नेपालले जापानविरूद्ध शुक्रबार हुने खेलमा टस जितेको छ।
ओमान क्रिकेट एकेडेमीमा सवा चार बजे हुने खेलमा नेपालले टस जितेर फिल्डिङ रोजेको हो।
दुवै टोली यसअघि नै सुपर-६ मा पुगिसकेका छन्। त्यसैले नेपाल र जापानबीच शुक्रबार अपरान्ह समूह विजेताका लागि खेल हुनेछ। यो खेल दुवै टोलीका लागि महत्वपूर्ण छ। किनभने यो खेलको अंक सुपर-६ मा पनि गनिनेछ।
खेलमा लागि नेपालले कुनै परिवर्तन गरेको छैन। कुवेतविरूद्धको अघिल्लो खेल खेलकै टोली नेपालले मैदान उतार्दैछ।
नेपाली टोली : कुशल भुर्तेल, आसिफ शेख, रोहिकुमार पौडेल, कुशल मल्ल, सन्दीप जोरा, दीपेन्द्रसिंह ऐरी, गुल्सन झा, सोपमाल कामी, नन्दन यादव, सन्दीप लामिछाने, ललितनारायण राजवंशी।
टिममा करण केसीसहित आरिफ शेख, लोकेश बम र आदिल अन्सारी बेञ्चमा छन्। टोलीमा कुलश मल्ल, दीपेन्द्र र गुल्सनले अलराउन्डरको भूमिका निर्वाह गर्दा सोमपाल र नन्दन तीव्र गतिका बलरको रुपमा छन्। यस्तै सन्दीप र ललित स्पिनर रहेका छन्। ब्याटिङमा कुशल भुर्तेल, आसिफ शेख, रोहितकुमार पौडेल र सन्दीप जोरा ब्याटरको रुपमा छन्।
छनोटबाट तीन टोलीले आगामी वर्षको फेब्रुअरी-मार्च भारत र श्रीलंकामा हुने आइसिसी टी-२० विश्वकप २०२६ मा मा स्थान पक्का गर्नेछन्।
शीर्ष तीन टोलीमा परेमा नेपाली टोली लगातार दोस्रो पटक र समग्रमा तेस्रो पटक आइसिसी टी-२० विश्वकपमा छनोट हुनेछ।
-1746009348.jpg)
