जयकुमार नाथ शाह मेमोरियल यू-१६ इन्टर स्कुल क्रिकेट प्रतियोगितामा रेडियन्ट रिडर्स एकेडेमीले जित निकालेको छ।
समूह ‘ए’ मा पहिलो जित निकाल्ने क्रममा रेडियन्टले त्रियोग स्कुललाई २ विकेटले पराजित गर्यो।
पहिले ब्याटिङ गरेको त्रियोगले ८ विकेटको क्षतिमा १०५ रन जोड्यो। उसका लागि श्रेयान्स आर्चायले ४३ रन जोड्दा रेडियन्टका अनुज झा र अनिल गुरुङले ३-३ विकेट लिए।
१०६ रनको लक्ष्य रेडियन्टले ८ विकेट गुमाएर १८.२ ओभरमा पूरा गर्यो। उसका लागि बिभव झाले १४ रन जोडे।
काठमाडौं जिल्ला क्रिकेट संघको आयोजनामा भइरहेको प्रतियोगितामा १६ स्कुलले भाग लिएका छन्।
