काठमाडौं जिल्ला क्रिकेट संघको आयोजनामा भइरहेको जयकुमार नाथ मेमोरियल यू–१६ इन्टर स्कुल क्रिकेट प्रतियोगितामा मोक्षदा स्कुल लगातार दोस्रो खेलमा विजयी भएको छ।
मोक्षदाले लर्निङ स्कुललाई ७ विकेटले पराजित गर्दै लगातार जित निकाल्यो । पहिले ब्याटिङ गरेको लर्निङ् ६७ रनमा अलआउट भयो। मोक्षदाले ३ विकेटको क्षतिमा १२.२ ओभरमै लक्ष्य पूरा गर्यो।
अर्को खेलमा रत्नराज्य स्कुलले नेक्सस एकेडेमीलाई ९६ रनले हरायो। रत्नराज्यले पहिले ब्याटिङ गर्दै १९० बनायो । जावाफ ब्याटिङ गरेको नेक्सस १७.२ ओभरमा ९४ रनमा अलआउट भयो।
यता एन्जल्स हर्टले दोस्रो निकालेको दिन केएमसीले पहिलो जितको स्वाद चाख्यो। एन्जल्सले जेम्स स्कुललाई १० विकेटले पराजित गरेको हो।
केएमसीले अपीलाई सुपर ओभरमा पराजित गर्यो। पहिले ब्याटिङ गरेको अपीले २० ओभरमा ६ विकेटको क्षतिमा १ सय ३५ रन बनाउँदा केएमसीले ७ विकेटको नोक्सानीमा १३५ रन जोड्दा खेल सुपर ओभरमा पुगेको थियो।
-1714837552.jpeg)
