आयरल्यान्ड वुल्भ्सविरूद्धको दोस्रो टी-२० खेलमा नेपालले पहिले ब्याटिङ गर्ने भएको छ।
कीर्तिपुरस्थित त्रिवि मैदानमा नेपालले टस जितेर ब्याटिङ रोजेको हो।
नेपाली टिममा दुई परिवर्तन गरिएको छ। अनिलकुमार साह र विवेककुमार यावदले आजको खेलमा मौका पाएका छन्। दीपेन्द्रसिंह ऐरी र ललितनारायण राजवंशीलाई रेस्ट दिइएको छ।
नेपाली टिम : कुशल भुर्तेल, आसिफ शेख, रोहित पौडेल, कुशल मल्ल, अभिनास बोहरा, सन्दीप जोरा, सोमपाल कामी, करण केसी, अनिलकुमार साह, विवेककुमार यादव र गुल्सन झा।
नेपालले आइसिसी टी-२० विश्वकपको तयारीका लागि आयरल्यान्डसँग खेलेको हो। आज आयरल्यान्डसँग दोस्रो टी-२० खेलेपछि नेपाली टिम यसैसाता भारत जानेछ।
कीर्तिपुरमा भने नेपालको ए टिम र आयरल्यान्ड वुल्भ्सबीच तीन टी-२० र तीन एकदिवसीय खेल हुनेछ।
