नेपाली राष्ट्रिय क्रिकेट टिमलाई गैरआवासीय नेपाली संघ (एनआरएनए) हङकङले ५ लाख रुपैयाँ सहयोग गरेको छ।
हङकङ टी-२० सिरिज खेल्न गएको बेला एनआरएनए हङकङले सम्मानसहित नगद रुपैयाँ प्रदान गरेको हो।
नेपाली टिमलाई प्रोत्साहन स्वरुप नगदसहित सम्मान गरेको एनआरएनए हङकङका अध्यक्ष गोकर्ण ढकालले बताए।
नेपाली टिमले हङकङ टी-२० सिरिजमा पपुवा न्युगिनीसँग फाइनल खेलेको थियो। तर नेपाल फाइनलमा पराजित भएको थियो।
नेपाली टिम शुक्रबार सिरिज खेलेर स्वदेश फर्किएको छ।
