त्रिकोणात्मक टी-२० सिरिजको निर्णायक खेलमा नेपालले पहिलो ओभरमै नेदरल्याण्ड्सको २ विकेट लिएको छ।
टस जितेर पहिले ब्याटिङ गरेको नेदरल्याण्ड्सका दुई ब्याटरलाई नेपालका तीव्र गतिका बलर करण केसीले पेभेलियन फर्काएका हुन्।
करणले ओभको चौथो र अन्तिम बलमा विकेट लिए। चौथो बलमा माइकल लेभिटलाई दिपेन्द्रसिंह ऐरीबाट क्याच आउट गराए।
छैटौं बलमा सिब्रान्ड एंगलब्रेक्टलाई आशिफ शेखबाट क्याच आउट गराए।
पहिलो ओभरमै दुई ओपनरलाई आउट गर्न करणले चार रन खर्चिए।
दुई ओपनर आउट भएपछि ब्याटिङमा म्याक्स ओ'डड र कप्तान स्कट एडवार्ड आएका छन्।
सुरूमै विकेट लिएपछि नेदरल्याण्ड्समाथि दबाब परेको छ।
नेपालले आजको खेल जित्न सके सिरिजको फाइनल पुग्ने सम्भावना रहन्छ।
अघिल्ला दुई खेल हारेको नेपालले शुक्रबार नामिबियाविरूद्ध ३ रनको रोमाञ्चक जित निकालेको थियो।
