एसिसी मेन्स प्रिमियर कप क्रिकेट प्रतियोगितामा अन्तर्गत मलेसियाविरूद्धको खेलमा नेपालले पाँचौं विकेट लिएको छ।
नेपालका लागि सोमपाल कामीले पाँचौं विकेट लिएका हुन्।
सोमपालले ४०.४ ओभरमा सेज अजिजलाई कप्तान रोहित कुमार पौडेलको हातबाट क्याच आउट गराएका हुन्।
यसअघि नेपालका लागि ललित राजवंशीले दुई र सन्दीप लामिछाने र गुल्सन झाले एक-एक विकेट लिएका थिए।
मलेसियाका लागि अहमद फैजले ७६ रन र वीरन्दीप सिंहले ४६ रनको योगदान गरे। अहिले क्रिजमा महमद सहादत ७ र खिजर हयत ७ रन बनाएर खेलिरहेका छन्।
