क्यारेबियन प्रिमियर लिग (सिपिएल) २०२१ आगामी अगस्ट २८ देखि हुने भएको छ। सिपिएल २०२१ का सबै खेल सेन्ट किट्समा हुनेछ।
३३ खेल हुने प्रतियोगितामा दर्शकलाई प्रवेश दिने बताइएको छ।
८ हजार दर्शक क्षमताको वार्नर पार्कमा हुने प्रतियोगितामा ५० प्रतिशत सिटमा मात्र दर्शक राखिनेछ।
रंगशालामा प्रवेश गर्न चाहाने दर्शकले भ्याक्सिन लगाएको प्रमाण दिनु पर्नेछ।
सिपिएल गत सिजन कोरोना भाइरसपछि आयोजना हुने पहिलो फ्रेन्चाइज लिग भएको थियो।
सिपिएल २०२१ को ड्राफ्ट आगामी मे अन्तिम साता हुने बताइएको छ। तर मिति भने अहिले पक्का भइसकेको छैन।
