आयरल्यान्डविरुद्धको तीन खेलको एकदिवसीय सिरिजको पहिलो खेलमा घरेलु टिम इंग्ल्यान्ड ६ विकेटले विजयी भएको छ।
साउथह्याम्टनमा टस हारेर पहिले ब्याटिङ गरेको आयरल्यान्ड ४४.४ ओभरमा १७२ रनमा अलआउट भयो। उसका लागि कुर्टिस काम्फरले सर्वाधिक ५९ रन जोडे।
बलिङमा इंग्ल्यान्डका डेभिड विलीले ५ विकेट लिए। उनी प्लेयर अफ दि म्याच भए।
१७३ रनको लक्ष्य इंग्ल्यान्डले २७.५ ओभरमा ४ विकेटको क्षतिमा पूरा गर्यो।
उसका लागि साम बिलिङ्ग्सले नटआउट ६७ रन र कप्तान इयान मोर्गानले नटआउट ३६ रन बटुले।
बलिङमा आयरल्यान्डका क्रियाग योङले २ विकेट लिए।
