खेलको ४५ औं ओभर, अनि जितका लागि ४७ रन र हातमा मात्र १ विकेट।
शनिबार न्यूजिल्याण्डसँगको खेलमा परिस्थिति कठिन थियो २९२ रनको लक्ष्य पछ्याउन आएको वेस्ट इण्डिजका लागि।
तर छैठौं नम्बरमा ब्याटिङ गर्न आएका इण्डिजका कप्तान कर्लोद ब्राथवेटले एउटा छेउमा इण्डिजको पारीलाई सम्हाले र अन्तिम ओभरसम्म खेललाई डोर्याए।
यसरी सम्हालेको खेलमा वेस्ट इण्डिजलाई अन्तिम ७ बलमा जितका लागि ६ रन आवश्यक भयो। परिस्थिति आफू तर ढल्केको अवस्थामा टोलीलाई जित निकट ल्याएका ब्रेथवेटले यतिबेलै हानेको लङअन सटले इण्डिजलाई हार दिलायो।
उनी छक्का हान्ने प्रयासमा बाउण्ड्री नजिकै ट्रेन्ट बोल्टबाट क्याच आउट भए। उनी आउट भएसँगै जित न्यूजिल्याण्डको पक्षमा गयो।
यस क्याचले उनलाई हिजोको खेलमा जितको नायक बनाउन चुकायो। उनको शतकका बाबजुद वेस्ट इण्डिजले खेल हार्यो।
यस खेलमा न्यूजिल्याण्डले दिएको २९२ रनको लक्ष्य पछ्याउन आएको इण्डिजलाई क्रिस गेलले राम्रो सुरूवात दिलाएका थिए।
उनले ८७ रनको योगदान दिए भने शाई होप र निकोलस पुरण मात्र १-१ रनको स्कोरमा आउट भए। तर ८७ रनमा गेल आउट भएपछि भने वेस्ट इण्डिज कमजोर हुँदै गयो।
गेलपछि ब्याटिङमा आएका एसले नर्स १ रनमा आउट भए भने इभिन लुइस शून्यमै पेभेलियन फर्किए। कमार रोच पनि चलेनन्, मात्र १४ रनको स्कोरमा उनी आउट भए।
यसरी लगातार विकेट गुमाएको वेस्ट इण्डिज ३९ औं ओभरमा पुग्दा ८ विकेटको नोक्सानीमा २११ रनको स्कोरमा थियो।
त्यसपछि ब्याटिङमा आएका ब्राथवेलटले वेस्ट इण्डिजलाई जित उन्मुख गराए। यसक्रममा शेलडनले ३४ रनको योगदान दिए।
हातमा १ विकेट रहेको अवस्थामा ब्राथवेटले ओशेन थमशसँग राम्रो साझेदारी गरे र इण्डिजलाई जितको नजिक-नजिक लगे तर अन्तिममा उनी पनि चुके र खेल वेस्ट इण्डिजले गुमायो।
यस खेलमा न्यूजिल्याण्डका लागि ट्रेन्ट बोल्टले सर्वाधिक ४ विकेट लिए भने लकी फर्गुन्सनले ३ तथा नेम्स निशाम र कोलिन डि ग्राण्डले समान १-१ विकेट लिएका थिए।
त्यसअघि ब्याटिङ गर्न आएको न्यूजिल्याण्डका लागि केन विलयमसनले सर्वाधिक १४८ रन बनाए।
त्यसैगरी रोस टेलरले ६९ रनको योगदान दिए भने निशामले २८ रन जोडे। न्यूजिल्याण्डका ओपनरद्वय गुप्टिल र मुनरो शून्यमा नै आउट भएका थिए।