विश्वकप क्रिकेटमा भारतले अफगानिस्तानमाथि शनिबार रोमाञ्चक जित हासिल गरेको छ। पहिले ब्याटिङ गरेको भारतले अफगानिस्तानलाई २२५ रनको लक्ष्य दिएको थियो।
लक्ष्य पछ्याउन आएको अफगानिस्तान अन्तिम दुई ओभरमा सम्हालिन नसक्दा ११ रनले पराजित भयो। जितका लागि अफगानिस्तानलाई अन्तिम दुई ओभरमा २१ रन आवश्यक थियो। जसप्रीत बुमराहले बलिङ गरेको यस ओभरमा अफगानिस्तानले केवल ५ रन मात्र जोड् सक्यो।
त्यसपछि खेल अन्तिम ओभरको रोमाञ्चमा प्रवेश गर्यो। यतिबेला अब जितका लागि अफगानिस्तानलई १६ रन आवश्यक थियो। मोहम्मद नबीले चौका प्रहार गरे। त्यसपछि अफगानिस्तान जितबाट केबल १२ रन टाढा रह्यो तर दोश्रो बलमा शामीले रन दिएनन् र लगत्तैको बलमा नबी क्याचआउट भए।
त्यसपछि लगातार शमीले लगातार अफगानिस्तान दुई बिकेट लिदैं ह्याट्रिक गरे र ५० औं ओभरका लागि १ बल बाँकी छैदा भारतलाई जित दिलाए। शमीले नबीपछि अफताब आलम र मुजिब उर रहमानलाई लगातार आउट गरेका थिए।
त्यसअघि बलिङबाट भारतलाई ठूलो लक्ष्य बनाउन नदिएको अफगानिस्तानका ओपनर हज्रतुल्लाह जजई १० रनमा पेभेलियन फर्किए। २७ रन जोडेका गुलबदिन नैब दोश्रो विकेटका रूपमा आउट भए। त्यसपछि हस्मतुल्लाह शाहिदी २१ रनमा आउटा हुँधा अस्गर अफगान ८ रनमा आउट भएका थिए। अफगानिस्तानका लागि मोहम्द नाबीले ५२ रनको योगदान दिए।
भारतलाई जित दिलाउने क्रममा मोहम्मद शमीले ह्याट्रिकसहित ४ विकेट लिए भने जसप्रीओत बुमराहले, युज्बेन्द्र चहल र हार्दिक पाँड्याले समान २-२ विकेट लिए।
त्यसअघि टस जितेर पहिले बलिङ गरेको भारतका लागि कप्तान विराट कोहलीले सर्वाधिक ६७ रन जोडे। यस्तै केदार जाधवले ५२ तथा लोकेश राहुलले ३० रनको योगदान दिदां विजय शंकर र महेन्द्र सिंह धोनीले क्रमशः २९ र २८ रनको योगदान दिए।
अफगानिस्तानका लागि गुलबदिन नैब र मोहम्मद नबीले समान २-२ विकेट लिदां हुजिब उर रहमान, अफताब आलम, राशिद खान र रहमत शाहलके क्रमशः १-१ रन लिए।
चौथो जितसँगै भारत जारी विश्वकपको अंकतालिकामा तेश्रो स्थानमा पुगेको छ। ६ खेलमा ४ मा जित तथा दुईमा बराबरी गर्दै उसले कुल ९ अंक जोडेको छ। त्यस्तै ६ मा ६ नै खेल हारेको अफगानिस्तान अंकतालिकाको अन्तिममा कायमै रहेको छ।
