शुक्रबार सम्पन्न खेलमा श्रीलंकासँग आयोजक इङ्ल्याण्ड २० रनले पराजित भयो। श्रीलंकाको सो जितका नायक बने लसिथ मलिंगा।
हिजोको खेलमा पहिले ब्याटिङ गर्दै श्रींलकाले २३२ रन बनाएको थियो। मध्यम लक्ष्य पछ्याउन आएको इङ्ल्याण्डलाई २३३ रनको लक्ष्य भेट्टाउन नदिदां मात्र श्रीलंकाले आवश्यक महत्वपूर्ण २ अंक जोड्न सक्थ्यो।
यस्तोमा घातक बलर मलिंगाले इङ्ल्याण्डको सुरूवाती ब्याटिङ लाइनअपलाइ ध्वस्त पारिदिए। यस क्रममा उनले ४३ रन खर्चदैं श्रीलंकाका लागि महत्वपूर्ण ४ विकेट लिए।
उनले जोनी बेयरस्टोलाई शून्यमा पेभेलियन फर्काउँदा जेम्स विंसलाई १४ रनमा आउट गरिदिए भने जोए रूटलाई ५७ रनमा रोके। जोस बटलरलाई पनि उनले मात्र १० रनमा आउट गराइदिए।
यस खेलमा कुल १० ओभर बलिङ गरेका मंलिगाले १ मेडनसमेत लिए। उनको यस शानदार प्रदर्शनका लागि उनलाई 'म्यान अफ द म्याच' घोषित भए।
यस म्याचमा मलिंगाले विश्वकप करियरमा आफ्नो ५० औं विकेट समेत पूरा गरे।
यसक्रममा श्रीलंकाका अफ स्पिनर धनञ्जय डि सिल्बाले ३ विकेट लिए।
यस जितसँगै ६ अंक बटुलेको श्रीलंका अंक तालिकाको पाँचौ स्थानमा रहेको छ।