आइसिसी क्रिकेट विश्वकपमा अस्ट्रेलियाले बंगलादेशलाई ३८२ रनको लक्ष्य दिएको छ।
नटिङघममा बिहीबार टस जितेर पहिले ब्याटिङ गरेको अस्ट्रेलियाले ५ विकेटको क्षतिमा ३८१ रन जोड्यो।
अस्ट्रेलियाका लागि ओनपर डेभिड वार्नरले शतक प्रहार गरे। उनले १६६ रनको योगदान दिए। १४७ बल खेलेका वार्नरले १४ चौका र ५ छक्का प्रहार गरे। कप्तान आरोप फिन्च ५३ रनमा आउट हुँदा उस्मान खावाजाले ८९ रन बनाए। खावाजाले ७२ बलमा १० चौका हिर्काए।
ग्लेन म्याक्सवेल ३२ रनमा रनआउट भए। उनले १० बलमा २ चौका र ३ छक्का प्रहार गरे। स्टिभ स्मिथ १ रनमा आउट हुँदा मार्कोस स्टोइनिसले नटआउट १७ र एलेक्स कारीले नटआउट ११ रन जोडे।
बलिङमा बंगलादेशका सौम्य सरकारले ३ विकेट लिए भने मुस्ताफिजुर रहमानले १ विकेट हात पारे।
