आइसिसी क्रिकेट विश्वकप २०१९ अन्तर्गत इंग्ल्यान्डले अफगानिस्तानलाई ३९८ रनको लक्ष्य दिएको छ।
म्यानचेस्टर टस जितेर पहिले ब्याटिङ गरेको इंग्ल्यान्डले ५० ओभरमा ६ विकेटको क्षतिमा ३९७ रन जोड्यो।
इंग्ल्यान्डका लागि कप्तान इयान मोर्गानले कीर्तिमानी इनिङ खेले। उनले १४८ रनको योगदान दिए। खेलमा १७ छक्का प्रहार गरेर उनले विश्व रेकर्ड बनाए। मोर्गान एकै इनिङमा सबै छक्का प्रहार गर्ने खेलाडी बनेका हुन्। उनले ७१ बलको सामना गर्दा ४ चौका पनि हिर्काएका थिए।
ओपनर जेम्स भिन्स २६ रनमा आउट हुँदा जोनी बेस्ट्रले ९९ बल खेलेर ९० रनको योगदान दिए। जोए रुटले ८२ बलमा ५ चौका र १ छक्काको मद्दतमा ८८ रन जोड्दा मोइन अलीले ९ बलमा नटआउट ३१ रन जोडे। अलीले १ चौका र ४ छक्का प्रहार गरे।
बलिङमा अफगानिस्तानका दाउलात जार्डान र गुब्लादिन नइबले ३-३ विकेट लिए। खेलमा ११० दिएका रासिद खान विश्वकपमा सबैभन्दा बढी रन दिने बलर बने।