आईसिसी क्रिकेट विश्वकप २०१९ को आयोजक इंग्ल्यान्डले ४ मध्ये ३ खेलमा जित हात पारेको छ। पछिल्ला २ खेलमा इंग्ल्यान्डको उत्कृष्ट देखिएको छ।
अंक तालिकाको चौथो स्थानमा रहेको इंग्ल्यान्ड सेमिफाइनलमा पुग्ने धाउन्नमा छ।
अफगानिस्तान सुरुवाती चार वटै खेलमा परजित भएको छ। अंक तालिकाको पुछारमा रहेको अफगानिस्तान जारी प्रतियोगितामा सबैभन्दा कमजोर टिम देखिएको छ।
यस्तो अवस्थामा अफगानिस्तानले पाँचौ खेलमा मंगलबार दिउँसो आयोजक इंग्ल्यान्डसँग भिड्दैछ।
पछिल्ला २ खेलमा इंग्ल्योन्डले शानदार जित हात पार्यो। आफ्नो तेस्रो खेलमा बंगलादेशमाथि १०६ रनको जित हात पारेको इंग्ल्यान्डले चौथो खेलमा वेस्ट इन्डिजलाई ८ विकेटले हराएको थियो।
इंग्ल्यान्डका कप्तान इयान मोर्गान र ओपनिङ ब्याट्सम्यान जासन रोए फिट हुनेमा शंका छ। रोएले वेस्ट इन्डिजविरुद्ध पूरा समय फिल्डिङ गरेका थिएनन्। रोएको स्थानमा जेम्स भिन्स खेल्न सक्ने सम्भावना छ।
अफगानिस्तानले जारी प्रतियोगितामा अहिलेसम्म पूरा ओभर ब्याटिङ गरेको छैन। दक्षिण अफ्रिकाविरुद्ध २१ ओभरमा ६९/ २ को स्थितिमा रहेको अफगानिस्तान ३५ ओभरमा १२५ मा अलआउट भएको थियो। जारी प्रतियोगितामा टिम खेल देखाउन चुकिरहेको अफगानिस्तानका लागि आइसिसीको उच्च वरियतामा रहेका इंग्लिस खेलाडीविरुद्ध खेल्न सहज नहुने पक्का छ।
मंगलबार म्यानचेस्टरमा विहान बादल लाग्ने सम्भावना छ। यद्यपी दिउँसो भने घाम लाग्ने छ। पानी पर्ने सम्भावना न्यून रहेको पूर्वानुमान गरिएको छ।
इंग्ल्यान्ड : इयान मोर्गान (कप्तान), मोइन अली, जोफ्रा आर्चर, जोनी बिस्ट्र, जोस बटलर, टम कुरान, लियाम डाउसन, लियाम प्लुङकेट, अदिल रसिद, जोए रुट, जासन रोए, बेन स्टोक्स, जेम्स भिन्स, क्रिस ओएक्स, मार्क उड
अफगानिस्तान : गुल्बादिन नइब (कप्तान), नुरु अली जार्डान,हज्रातुल्लाह जजाइ, रहमत शाह, अस्घर अफगान, हश्मातुल्लाह शाहिदी, नाजिबुल्लाह जार्डा,न समिउल्लाह शिनवारी, मोहमद नाबी, रासिद खान, दाउलत जार्डान, अफ्ताब अलाम, हमिद हसन, मुजिब उर रहमान, इक्रम अली खिल