विश्वकपको पहिलो खेलमा भारतले दक्षिण अफ्रिकालाई ६ विकेटले हराएको छ।
पहिले ब्याटिङ गरेको दक्षिण अफ्रिकाले निर्धारित ५० ओभर खेल्दै भारतलाई २२८ रनको लक्ष्य दिएको थियो। भारतले सो लक्ष्य ४७.३ ओभरमा ४ विकेटको क्षतिमा हासिल गर्यो।
भारतको जितमा रोहित शर्माले नटआउट ११२ रन जोडे। उनले १४४ बल खेल्दै १३ चौका र २ छक्का प्रहार गरेका थिए।
हिजोको खेलमा भारतले ओपनर शीखर धवन तथा कप्तान बिराट कोहलीलाई सस्तैमा गुमाएको थियो। धवन मात्र ८ रनमा आउट हुँदा कोहली १८ रनमा पेभेलियन फर्किएका थिए।
तेश्रो विकेटका लागि रोहित शर्मा र लोकेश राहुलले ८५ रनको साझेदारी गरे। राहुल २६ रनमा आउट भएपछि रोहितले मेहन्द्र सिंह धोनीसँग ७४ रनको साझेदारी गरे। यसक्रममा धोनीले ३४ रन बनाए।
त्यसपछि भारतकालागि रोहितले हार्दिक पाङ्ड्यासँग मिलेर भारतलाई जित दिलाए। पान्ड्याले यसक्रममा अविजित १५ रन जोडे।
दक्षिण अफ्रिकाका लागि कागिसो रबाडाले २ विकेट लिए भणे क्रिस मोरिस र एंडी फेलुक्वायोले समान १-१ विकेट लिए।
भारतअघि टस जितेर दक्षिण अफ्रिकाले ब्याटिङ रोजेको थियो। दक्षिण अफ्रिका आफ्नो पारीमा सुरूदेखी नै संघर्षपूर्ण देखियो। भारतीय बलरहरूले उनीहरूलाई सजिलै रन बटुल्न दिएनन्।
उसले आफ्ना सुरूवाती ब्याट्सम्यामलाई मात्र १६ रनमा गुमाएको थियो। असन अमला मात्र ६ रनमा आउट भए भने क्वीटन डि कक पनि १० रनको व्यक्तिगत स्कोरमा पेभेलियन फर्किए।
त्यसपछि ब्याटिङमा आएका फाप डु प्लेसिसले ३८ रन जोडे। उनलाई युवेन्द्र चहलले आउट गरिदिए।
हिजोको खेलमा दक्षिण अफ्रिकाका लागि क्रिस मोरिसले सर्वाधिक ४२ रनको योगदान दिए। यसैगरी उसका लागि एण्डी फेलुक्वायो ले ३४ तथा कागिसो रबाडाले ३१ रनको योगदान दिए।
एक समय ७ विकेटको नोक्सानी १५८ को स्कोरमा रहेको टिमलाई मोरिस र रबाडाले ६६ रनको साझेदारी गर्दै २०० पार लगाएका थिए।
भारतका लागि युवेन।द।र चहलले सर्वाधिक ४ विकेट लिदां जसप्रीत बुमराह तथा भूवनेश्वर कुमारले २-२ विकेट लिए। यसैगरी कुलदीप यादवले १ विकेट लिए।
