ईण्डियन प्रिमियर लिगको १२ औं सिजनमा आन्द्रे रसेलले २ व्यक्तिगत उपाधि जितेका छन्। उनले मोस्ट भ्यालुएवल प्लेयर तथा सुपर स्ट्राइकरको उपाधि जितेका हुन्।
आन्द्रे कोलकाता नाइट राइड्रसका खेलाडी हुन्। मोस्ट भ्यालुएवलको उपाधिका लागि उनले ट्रफी र १० लाख भारू जिते भने सुपर स्ट्राइकरका लागि ट्रफी र ह्यारिएर एसयुभि कार।
यसैगरी दिल्ली क्यापिटल्सका लागि खेलेका नेपाली स्पिनर सन्दीप प्रत्यासी मानिएको 'इमर्जिङ् प्लेयर'को उपाधि पनि कोलकाताकै शुभमन गिलले जिते।
सनराइजर्स हैदराबादले फेयर प्लेको अवार्ड जित्यो भने मुम्बई ईण्डियन्सका हार्दिक पांड्या 'फास्टेस्ट फिप्टी'को उपाधि जिते। उनले १७ बलमा ५० रन बनाएर यो उपाधि जितेका हुन्।
यस्तै परफेक्स क्याचअफ द सिजन मुम्बई इण्डियन्सका काइनर पोलार्डले जिते। उनले अवार्डसँगै १० लाख भारू नगद र ट्रफीको साथमा भिभो मोबाइल जिते। लोकेश राहुलले स्टाइलिस प्लेयर घोषित भए। किङ्स इलेभेनका यी खेलाडीले अवार्डसँगै १० लाख भारू र ट्रफी जिते।
आईपिएलमा सर्वाधिक रन बनाउने खेलाडीले पाउने अरेन्ज क्यापको उपाधि डेविड वार्नरले जिते। यस सिजनमा ६९२ रन जोडेर यस उपाधिमा कब्जा जमाएका उनले १० लाख भारू र ट्रफी पाए। यस्तै सर्वाधिक विकेट लिने खेलाडीलाई दिने 'पर्पल क्याप' इमरान ताहिरले पाए। चेन्नई सुपर किङ्सका यी बलरले यस सिजनमा २६ विकेट लिएका थिए। उनलाई पनि १० लाख भारू र ट्रपी प्रदान गरियो।
त्यसैगरी मुम्बई इण्डियन्सका राहुल चाहरले ड्रिम एलेभेन गेम चेन्जर अवार्ड पाए। उनले पनि ट्रपी र १० लाख भारू पाए।
यस्तै यस सिजनको विजेता बनेको मुम्बई ईण्डियन्सले उपाधिसँगै २० करोड भारू पायो भने उपविजेता चेन्नईले १२ करोड भारू प्राप्त गर्यो।
