चेन्नईले शुक्रबार दिल्लीलाई हराउँदै आईपिएलको १२ सिजनको फाइनलमा पुगेको छ। दिल्ली क्यापिटल्सले नतिजा ६ विकेटले दिल्लीलाई सुम्पियो।
हारपछि दिल्ली क्यापिटल्सका कप्तान श्रेयस अय्यरले आफूहरूसँग हारका लागि बनाउने कुनै बाहाना नभएको बताएका छन्।
'हाम्रो शुरुवात राम्रो भएन। शुरूवातमा नै पावरप्लेमा हामीले दुई विकेट गुमायौं। त्यसपछि खेलमा हामीलाई फर्किन मुश्किल पर्यो। चेन्नईसँग उच्च श्रेणीका स्पिनरहरू थिए तर यो सत्र हाम्रो राम्रो रह्यो। निश्चय नै निराश छौं तर यो सत्रमा धेरै कुरा सिक्न पाइयो', दिल्ली हार्नु कारण दिदैं अय्यरले भने।
'पिचलाई लिएर हाम्रो कुनै गुनासो छैन। हामीले सुस्त विकेटमा धेरै अभ्यास गरेका छौं। हामीले धोनी, कोहली, रोहित शर्मा जस्ता वरिष्ठ खेलाडीबाट धेरै सिक्न पायौं। टस गर्दा उनीहरूको साथ उभिन पाउँदा मलाई गर्व महशुस हुन्छ। उनीहरुले मसँग कुरा गरे, आफ्नो अनुभव सुनाए। यी कुराले मेरा लागि अर्थ राख्छ। आशा छ आगामी सत्र अझै रोमाञ्चकारी हुनेछ', श्रेयसले थपे।