भारतीय क्रिकेट कप्तान विराट कोहलीले महेन्द्र सिंह धोनी आफूसँग भएकोमा आफूले आफूलाई भाग्यशाली ठान्ने गरेको बताउने गरेका छन्।
धोनीका बाल्यकालिन क्रिकेट कोच केशव बनर्जीले कोहलीको यसै कुरालाई दोहोर्याउँदै धोनी कोहलीका लागि उत्कृष्ट मार्गदर्शक भएको बताएका छन्। केशवले धोनीको रणनीतिक कौशलको बराबरी कोही नभएको बताए। उनका अनुसार यसै कारण कोहलीका लागि धोनी म्याचको अध्ययन र रणनीति बनाउने कुरामा सहि मार्गदर्शक हुन्।
'म्याचलाई बुझ्ने र रणनीति बनाउनमा धोनी बराबर कोही छैन। यो कौशल कोहलीसँग छैन, त्यसैले जैले कोहलीलाई सल्लाहको आवश्यकता पर्छ उनी धोनीकोमा आउँछन्। यदि धोनी भारतीय टोलीका हिस्सा नहुँदा हुन त कोहलीलाई सहयोग गर्ने कोही हुने थिएन', केशवले भने।
त्यसैगरी केशवले धोनीलाई चौथो नम्बरमा ब्याटिङ गर्ने सल्लाह दिएका छन्।
'जब उनी चौथो नम्बरमा ब्याटिङ गर्न आउँछन् तब उनी समय लिन्छन् किनकी उनीसँग त्यो गर्ने समय हुन्छ। तर जब उनी पाँचौ वा छैटौं स्थानमा ब्याटिङ गर्न आउँछन् तब उनी आए लगत्तै रन बनाउन लाग्छन् किनकी त्यस समय हर बलमा आउने रन महत्वपूर्ण हुन्छ', उनले भने, 'त्यतिखेर उनी जोखिम लिइरहेका हुन्छन्। त्यसैले विश्वकपमा उनले चौथो नम्बरमा ब्याटिङ गरेको राम्रो। हुन त यो मेरो नीजि विचार हो। यदि उनले चौथो नम्बरमा ब्याटिङ् गर्ने हो भने उनीपछि आउने ब्याट्सम्यानले आरामले खेल्न पाउनेछन्।'