किङ्स इलेभेन पंजाबले यस सिजन आफ्नो अन्तिम आईपिएल म्याचमा चेन्नई सुपर किङ्सलाई ६ विकेटले पराजित गरेको छ।
हिजोको खेलमा पहिले ब्याटिङ् गर्दै चेन्नईले पाँच विकेटको क्षतिमा १७० रनको स्कोर बनाएको थियो।
उसका लागि फाप दु प्लेसिसले सर्वाधिक ९६, सुरेश रैनाले ५३, कप्तान महेन्द्रसिंह धोनीले १० र शेन वाट्सनले ७ रन जोडेका थिए।
बलिङतर्फ पञ्जाबका शाम कुरानले तीन तथा मोहम्मद शामीले दुई विकेट लिए।
सो लक्ष्यलाई पंजाबले २ ओभर बाँकी रहँदै ४ विकेटको नोक्सानीमा हासिल गर्यो।
यसक्रममा ओपनर के एल राहुलले अर्का ओपनर क्रिस गेलसँग १०८ रनको साझेदारी गरे। राहुलले यस म्याचमा ३६ बलमा ७ चौका र ५ छक्का प्रहार गर्दै ७१ जोडे भने क्रिस गेल २८ रन बनाए।
यसैगरी निकोलस पुरन ३६ रन, मन्दीप सिंह ११ तथा साम कुनर ७ को योगदान दिए । चेन्नईका लागि हरभजन सिंहले ३ र रविन्द्र जडेजाले १ विकेट लिएका थिए।
प्लेअफको दौडबाट बाहिरिसकेको पंजाबको लिगमा छैटौं जित हो।यस सिजनको लुग उसले १२ अंक जोड्दै लिगको छैटौं स्थानमा सकेको छ। यस्तै प्लेअफमा पुगिसकेको चेन्नईको भने यो पाँचौ हार हो।