आइतबार चेन्नई सुपर किङ्समाथि विराट कोहलीको कप्तानीमा रहेको रोयल च्यालेन्जर्स बेङ्लोरले १ रनको रोमाञ्चक जित हासिल गरेको छ।
१ रनको रोमाञ्चक जित हासिल गर्नु अघि पहिले ब्याटिङको निम्ता पाएको बेङ्लोरले सात विकेटको क्षतिमा १६१ रन बनाएको थियो। यस क्रममा बेङ्लोरका लागि पार्थिव पटेलले ५३ रन र मोइन अलिले १६ बलमा २६ रन जोडेका थिए। हिजोको खेलमा बेङ्लोरको सुरूवात भने खराब रह्यो।
कप्तान विराट कोहली ९ रनमै आउट भए। बेङ्लोरका लागि एबिडि भिलियर्सले २५ र अक्षदीप नाथले २४ रन जोड्दा मोइन अलीले २६ रन जोडे।
चेन्नईका लागि ड्वेन ब्राभो, दीपक चाहार र रवीन्द्र जडेजादे समान दुई तथा इमरान ताहिरले एक विकेट लिए।
यस्तै १६२ रन पछ्याउन आएको चेन्नईले पनि खराब सुरूवात नै गर्यो।
एक समय २८ रन बनाउँदा चेन्नईले आफ्ना ४ विकेट गुमाएको थियो। पहिलो ओभरमा नै शेन वाटशन ५ रन बनाउँदा आउट भए। उनलाई डेल स्टेनले मार्कस स्टोइनिसको हातबाट क्याच आउट गराएका थिए ।
त्यस लगत्तै अर्को बलमा स्टेनबाट नै सुरेश रैनालाई शून्यमा बोल्ड भए ।
यसैगरी फाफ डु प्लेसिस पनि उमेश यादवको बलमा एवी डी भिलियर्सबाट आउट भए। उनी पनि केवल ५ रन बनाएर पेभबेलियन फर्किए।
केदार जाधवलाई ९ रनमा क्याच आउट भए। यसरी धर्मराएको चेन्नईलाई आम्बाती रायुडु र महेन्द्र सिंह धोनीले ५५ रनको साझेदारी गर्दै लयमा ल्याए।
रायडुलाई १४ ओभरको पहिलो बलमा युजबेन्द्र चाहलले बोल्ड गरे पनि धोनीले मोर्चा सम्हाली रहे।
२९ रन बनाएर रायडु आउट भएको खेलमा रविन्द्र जडेजा र ड्वेन ब्राभो पनि क्रमशः ११ र ५ रन बनाएर पेभेलियन फर्किएका थिए।
हिजोको खेलमा धोनीले ४८ खेलको पारीमा पाँच चौका र ७ छक्का प्रहार गरे। उनी टोलीले २८ रनमा ४ विकेट गुमाएको अवस्थामा मैदानमा प्रवेश गरेका थिए।
चेन्नईलाई अन्तिम ओभरमा २६ रनको आवश्यक्ता थियो। सो क्रममा धोनीले पहिलो बलमा चौका , त्यसपछि २ छक्का अनि २ रन र १ छक्का प्रहार गरे तर अन्तिम बलमा उनी चुके। अन्तिम बलमा चुकेपछि चेन्नई मात्र १ रनले बेङ्लोरसँग पराजित भयो।
बेङ्लोरका लागि डेल स्टेन र यादवले २-२ विकेट लिए भने नन्दीप सैनी र युजवेन्द्र चाहलले १-१ विकेट लिए।