इण्डियन प्रिमियर लिग(आइपिएल) टोली चेन्नई सुपर किङ्सका ब्याट्सम्यान सुरेश रैनाले रणनीति बनाउने मामिलामा पूर्व भारतिय कप्तान महेन्द्र सिंह धोनीसँग कसैले बराबरी गर्न नसक्ने बताएका छन्।
रैनाका अनुसार धोनी वर्तमानमा रहन्छन् र सोहि अनुसार म्याचको रणनीति तय गर्छन्। उनी म्याच कता जाँदै छ त्यही अनुसारको धोनीले निर्णय गर्ने रैनाले बताए।
'हर कप्तान अलग हुन्छन् र आफ्नो खेलमा रोमाञ्चक कौशल लिएर आउँछन्। धोनी आफ्नो दमदार रणनीतिको लगातार प्रयोग गर्छन् जसले कयौं पटक टोलीलाई जित दिलाएको छ', रैनाले भने।
योसँगै रैनाले यस सिजनमा आफूहरूको काँधमा ठूलो जिम्मेवारी रहेको र सोहि सोचका साथ अभ्यास सत्रमा गएको बताए।
'चेन्नईसँग एक दशकदेखि खेल्दै आएको छु र म टोलीमा धर्य ल्याउने गर्छु। म दबाबको स्थितिमा टोलीलाई छर्रिन दिन्न', रैनाले थपे।
रैनाले मंगलबार दिल्ली क्यापिटल्स विरूद्ध भएको खेलमा १६ बलमा ३० रनको योगदान दिदैं दिल्लीलाई हराउन महत्वपूर्ण योगदान दिएका थिए।
' म मेरो ध्यान सँधै खेलमा राख्छु। शतक र ट्रफी बोनस हो। मेरो लागि जीतमा योगदान दिनु महत्वपूर्ण हो र यहि कारणले आज म यहाँसम्म आइपुगेको छु', रैनाले भने।
चेन्नईले आगामी खेल राजस्तान रोयल्ससँग खेल्दैछ।