किङ्स इलेभेन पञ्जाबले आईपिएलमा विजयी सुरूवात गरेको छ। सोमबार भएको खेलमा उसले राजस्थान रोयल्सलाई १४ रनले पराजित गर्यो।
ओपनर क्रिस गेल उत्कृष्ट ब्याटिङपछि आखिरी ओभरमा बलरहरूको चामत्कारिक बलिङले पंजाबले जित आफ्नो नाममा पार्न सक्यो। पछिल्लो ६ म्याचमा पंजाबको यस मैदानमा राजस्थानविरूद्ध पहिलो जित हो।
हिजोको खेलमा टस हारेपछि पंजाबले ब्याटिङ गर्दै चार विकेटको क्षतिमा १८४ रनको स्कोर बनाएको थियो। त्यसपछि जवाफी ब्याटिङमा उत्रेको राजस्थानले २० ओभरमा केबल १७० रनमात्र जोड्न सक्यो।
पंजाबले दिएको लक्ष्य पछ्याउने क्रममा राजस्थानका ओपनिङ् ब्यास्म्यान अजिंक्य रहाणे तथा जोस बटलरले क्रमश: २७ र ६९ रनको योगदान दिए।। उनीहरूले पहिलो विकेटका लागि ७८ रनको साझेदारी गर्दै टोलीलाई राम्रो सुरूवात दिलाए।
बटलरले २९ बलमा अर्धशतक बनाए। बलियो बन्दै गएको यी दुईको साझेदारीलाई पंजाबका कप्तान रविचन्द्रन आश्विनले तोडे। उनले आफ्नो दोश्रो ओभरको बलिङको पहिलो बलमा रहाणेलाई क्लिन बोल्ड गरे। रहाणेले २० बलमा चार चौका लगाएका थिए।
बटलरलाई पनि १२.५ ओभरमा आश्विनले नाटकिय ढंगले रनआउट गरे। बटलरले ४३ बलमा १० चौका र १० छक्का प्रहार गरेका थिए।
राजस्थानलाई जीतका लागि अन्तिम ३० बलमा ५० रन आवश्यक थियो तर सैम कुरेनले १६.४ ओभरमा स्मिथलाई र यसै ओभरको अन्तिम बलमा सन्जु सैमसनलाई आउट गर्दै पजांबलाई खेलमा फर्काए।
यसपछि मुजीब उर रहमानले बेन स्टोक्सलाई ६ रनमै पेभेलियन फर्काइदिएर राजस्थानलाई पाँचौ झट्का दिए। पाँच विकेट गुमाएको अवस्थामा जितका लागि राजस्थानलाई १५ बलमा २८ रनको चाहिएको थियो। मुजिबले राहुल त्रिपाठीलाई आफ्नो चौथो ओभरको बलिङमा १ रनमै आउट गरे र पजांबलाई जिततर्फ लम्काए।
त्यसपछि अन्तिम १२ वलमा २७ रन आवश्यक रहेकोमा २० ओभरको समाप्तिमा उनीहरूले केबल १७० रन मात्र जोड्न सके र नतिजा पंजाबलाई सुम्पिए।
पजांबका लागि कुरेन, मुजिब तथा हंकित राजपुतले समान २-२ विकेट लिए भने आश्विनले १ विकेट लिए।
यसअघि पहिले ब्याटिङ गरेको पंजाबका लागि क्रिस गेलको शानदार ७९ रनको सहयोगमा १८४ रन बनाएको थियो जसलाई बलरहरूले बचाए।
पंजाबले चार रनमा आफ्नो पहिलो विकेटका रूपमा लोकेश राहुललाई गुमाएको थियो। त्यसपछि मयंक अग्रवालले २२ तथा सरफराज खानले नटआउट ४६ रन बनाए।
हिजोको खेलमा गेलले ४७ बलमा ८ चौका तथा चार छक्का प्रहार गरेका थिए। त्यस्तै निकोलस पुरनले १२ रन बनाएका थिए।
राजस्थानका लागि से स्टोक्सले दुई तथा धवल कुलकर्णी तथा कृष्णप्पा गौतमले १-१ विकेट लिएका थिए।
