दिल्ली डेयर डेभिल्सका खेलाडी तथा भारतीय टोलीका विकेट किपर ऋषभ पन्तले आफूलाई विराट कोहलीको रिससँग डर लाग्ने गरेको खुलासा गरेका छन्।
'म कोहिसँग डराउँदिन तर विराटको रिससँग डर लाग्छ', एक भिडियोमा उनले भनेका छन्, 'तर तपाईले सबै कुरा राम्रो गरी गर्नुभयो भने त उनी के रिसाउलान?'
यसैगरी यदि आफ्नो गल्तीमा कोही रिसाउँछ भने त्यो राम्रो कुरा भएको उनले बताए।
'यो राम्रो हो किनकी गल्तीबाट नै तपाईंले सिक्नुहुन्छ', उनले भने।
ऋषभलाई धोनीपछि भारतीय टोलीको विकेटकिपरको रूपमा हेरिएको छ। धोनीको सन्यासपछि सो ठाउँ उनले सम्हाल्नेछन्।
हालै अस्ट्रेलियासँग भएको एक म्याचमा ऋषभले धोनीले जसरी स्ट्म्पिङ गर्न खोज्दा एक रन गुमाए। यसले गर्दा कोहली उनीसँग रिसाएका थिए।
