इण्डियन प्रिमियर लिग(आइपिएल)का खेल पनि अनौठो छ। टी-२०को खेलिने यो लिग चौका र छक्काको वर्षातका लागि चर्चित छ। यसमा जब आँधीजसरी रनहरू बन्छन् जसका कारण शतक लगाउन मुश्किल पर्छ। यही कारणले बितेका ११ वर्षमा लिगमा केबल ५२ शतकमात्र बनेको तथ्य छ। हर संस्करणमा औषत ५ शतक प्रहार भएका छन्। तर योसँगै शतक प्रहार गर्ने टोलीले धेरैजसो अवस्थामा जित्ने गरेको तथ्य छ।
५२ वटा शतक प्रहार भएको लिगमा ४२ म्याच शतक हानेको टोलीले जितेको छ। अर्थात ८० प्रतिशत जीतमा शतकको योगदान मूख्य रहेको छ।
यो तथ्यसँगै यसमा एउटा विरोधाभाष पनि सँगै जोडिएको अर्को तथ्य छ।
आइपिएलमा सर्वाधिक शतक प्रहार गर्ने रेकर्ड रोयल च्यालेन्जर्स बैङ्लोरको नाममा छ। उसले कुल १२ शतक प्रहार गरेको छ। यसरी सर्वाधिक शतक प्रहार गरेको यस टोलीले आजसम्म लिगको उपाधिमा कब्जा जमाउन भने सकेको छैन।
आँकडालe शतक म्याच जित्ने ग्यारेन्टी त हो तर उपाधि जितमा त्यो सहायक हुन सकेको छैन्। बैङ्लोरमात्र होइन ऊ पछि सर्वाधिक शतक बनाएका किङ्स इलेभेन पञ्जाब र दिल्ली डेयर डेभिल्सले पनि उपाधि जितेका छैनन्। उनीहरूले क्रमश: १० र ८ शतक हानेका छन्।
मुम्बईको नाममा ४ शतक र ३ उपाधि
मुम्बई इण्डियन्स उपाधि जितका लागि शतक आवश्यक नपर्ने प्रमाण पेस गर्ने टोली हो। उसले आजसम्म आइपिएलमा ४ शतक हानेको छ भने ३ पटक उपाधिमा कब्जा जमाएको छ।
त्यस्तै समान ३ पटक उपाधिमा कब्जा जमाएको चेन्नई सुपर किङ्सले चार शतक हानेको छ। यस्तै कोलकाता नाइट राइडर्सले दुई पटक उपाधि जित्दा केवल १ शतक प्रहार गरेको छ। कोलकाता एकमात्र त्यस्तो टोली हो जसले शतक भन्दा बढि उपाधि जितेको छ।
सर्वाधिक शतक हान्ने खेलाडी क्रिस गेल
यसैगरी लिगमा सर्वाधिक शतक हान्ने खेलाडी क्रिस गेल हुन्। उनले ६ शतक जोडेका छन्। उनको अधिक्तम स्कोर नटआउट १७५ छ। उनले यी शतक तीन फरक टोलीका लागि जोडेका हुन्। यति हुँदाहुँदैपनि उनी कहिले उपाधि विजेता टिमको हिस्सा बन्न पाएनन्। यस्तै उनीपछि विराट कोहली र शेन वाट्सनले सर्वाधिक ४-४ शतक प्रहार गरेका छन्। यसमा कोहलीले कहिल्यै उपाधि जित्न सकेका छैनन्।
यसैगरी डेविड वार्नर र एबी डिवलियर्सले ३-३ शतक हानेका छन्।
