दक्षिण अफ्रिकाका अलराउण्डर ज्याक कालिसले सचिन तेन्दुल्करले बनाएको सय शतको अन्तराष्ट्रिय कीर्तिमान तोड्ने-नतोड्ने जवाफ विराट कोहलीले मात्र राम्रोसँग दिन सक्ने बताएका छन्। उनले कोहलीसँग यस्ता कुरालाई सरल राख्ने क्षमता रहेको पनि उनको भनाइ छ।
कोहलीले ३० वर्षको उमेरमा ६६ अन्तराष्ट्रिय शतक बनाइसकेका छन् र कयौंले उनलाई सचिनका सबै ब्याटिङ कीर्तिमान तोड्नसक्ने प्रबल दाबेदार मान्दछन्।
'कोहली जहाँसम्म अघि बढ्न चाहन्छन्, उनी त्यहाँसम्म जान सक्छन् भन्ने मेरो मान्यता छ। उनी विश्वस्तरीय खेलाडी हुन्। उनीभित्र अझ राम्रो गर्ने भोक छ। उनी कडा मेहेनत गर्छन्। बितेका वर्षहरूमा उनले यसलाई साबित पनि गरेका छन्। सबै कुरालाई सरल राख्न सक्नु उनको सबैभन्दा ठूलो खुबी हो। मान्छेहरू उनको ब्याटिङको मजा उठाउँछन्', क्यालिसले भने।
यसको मतलब के उनले सचिनको कीर्तिमान तोड्छन् त? यस प्रश्नमा उनको जवाफ यस्तो छ: केबल कोहलीले मात्र यसको जवाफ दिन सक्छन्। उनी फिट भइराखे र अगाडी बढ्ने इच्छालाई कायम राखिराखे भने कहि पनि कुरा उनको पहुँचभन्दा बाहिर छैन।
