इन्डियन प्रिमियर लिग(आइपिएल) फ्रान्चाइजी मुम्बई इन्डियन्सका क्रिकेट संचालन निर्देशक जहिर खानले लिगको १२ औं सिजनमा बायाँ हाते ब्याट्सम्यान युवराज सिंहलाई टोलीमा रणनीति अन्तरगत भित्राएको बताएका छन्। युवराजलाई पहिलो चरणको लिलामीमा कुनै पनि टोमले किनेको थिएन। अन्तिम लिलामीमा मुम्बईले उनलाई १ करोड भारूमा किनेको थियो।
'उनीसँग धेरै अनुभव छ र उनी हाम्रो मध्यक्रमका लागि महत्वपूर्ण ब्याट्सम्यान साबित हुनसक्छन्। युवराज म्याच जिताउने हैसियत राख्छन्। हामीलाई यस्तै ब्याट्समयानको खाँचो थियो, जोसँग मध्यक्रम ब्याटिङको अनुभव छ। युवराज त्यही हुन्, त्यसैले हामीले उनलाई टिममा लियौं', जहिरले मुम्बई इन्डियन्सको अभ्यास सत्रमा भने।
'युवराजले वर्षौदेखि आफ्नो टोलीलाई जिताउँदै आएका छन्। यो काम उनीबाहेक राम्रोसँग अरूले गर्न सक्दैन। हामीले उनलाई नेटमा देखेका छौं र उनी राम्रो गरिरहेका छन्। यो सिजनमा उनले राम्रो प्रदर्शन गर्नेछन् भने कुरा उनीमा नै निर्भर छ। युवराजको आगमनले टोलीलाईलाई बलियो बनाएको छ', जहिरले अगाडी भने।
यस्तै जहिरले दोश्रो लिलामीमा युवराजलाई किन्नुको कारण पनि दिए।
कयौं खेलाडी पहिलो चरणमा किनिएनन्। म पनि त्यसमा पर्छु। लिलामीमा सबै टिम आफ्नो रणनीति अनुसार काम गर्छन्। लिलामी किन गर्नुहुन्छ भन्ने कुरामा तपाईंले ध्यान दिनु जरूरि छ'।