अस्ट्रेलियाविरूद्धको क्रिकेट सिरिज सकिएपछि भारतीय क्रिकेट टोलीमाथि प्रश्न कम हुनुको सट्टा बढ्दै गएको छ। सिरिज सकिदांसम्म भारतीय टोलीको टिमको कमकमजोरी सुधारिएर आगामी विश्वकपका लागि टोलीको तयारी लगभग पूरा हुने ठानिएको थियो। कप्तान विराट कोहलीले पनि एक-दुई पटक भारतीय टोलीका केहि स्थान भरिन बाँकी रहेको बताएका थिए। तर, वर्तमानमा टोलीमा देखिएका कमजोरीलाई अब हुँदै गरेको भारतीय क्रिकेट लिगमा खेलाडीले देखाउने प्रदर्शनले टोलीको छनौटकर्तालाई दबाब दिने देखिएको छ।
भारत न चौथो नम्बरको ब्याटिङलाई लिएर स्पष्ट छ न तेश्रो नम्बरको। त्यसकारणले गर्दा आएपिएलमा केहि खेलाडीले आफ्नो उत्कृष्ट प्रदर्शन गरेमा केहिले विश्वकपमा स्थान पाउनसक्छन्। यस्तै सम्भावित पाँच खेलाडीको सूचि यस्तो छ।
श्रेयस अय्यर: केहि दिन पहिले घरेलु क्रिकेटमा मुम्बईका यी ब्याट्सम्यानले राम्रो खेल प्रदर्शन गरे। उनले ४३.०७ को औषतले प्रथम श्रेणीको ६०३ रन बनाए। त्यस्तै वान डे मा ५६.६४ को औषतले ७९३ रन बनाए। टि-२०मा पनि उनले ६०.५० को औषतले ४८४ रन बनाएका छन्। आइपिएल सुरू हुन लागेको सन्दर्भमा अय्यरका लागि यो प्रतियोगिता महत्वपूर्ण हुनेछ, उनको राम्रो प्रदर्शनले चयनकर्ताहरूलाई चार नम्बरको ब्याटिङका लागि दबाब पर्नसक्छ।
दिनेश कार्तिक: निदास ट्रफीमा म्याच जिताउन धमाकेदार पारी खेलेपछि कार्तिकले धेरै अवसरहरू पाए तर उनले ती मौकाको सदुपयोग भने गर्न सकेनन्। यस्तोमा ऋषभ पन्तको औषत प्रदर्शनले उनलाई फेरि यो दौडमा सामेल गराएको छ। सन् २०१७ को च्याम्पियन्स ट्रफीपछि कार्तिकले १७ वान डे मा ४७.२२ को औषतले ४२५ रन बनाएका थिए। यसमा २६४ रन चौथो नम्बरमा ब्याटिङ गर्दे बनाएका हुन्। यसमा उनको औषत ५२.८० छ। उनी म्याचका समापनकर्ता पनि हुन्। यसकारण व्यवस्थापनलाई उनले विकल्पहरू दिइरहेका छन्। यस्तोमा आइपिएलमा राम्रो प्रदर्शनले उनलाई टोलीमा पार्न बलियो सहयोग पुर्याउनेछ।
रविन्द्र जडेजा: विजय शंकरको फर्म र सातौं नम्बरमा हार्दिकको कब्जाले टिम इण्डियाका यी अलराउन्डरलाई गार्हो त बनाएको छ तर इङ्ल्याण्डको पिच जेडेजाको बलिङ् अनुकुल रहेकाले उनी प्रभावशाली हुनेछन्। अस्ट्रेलिया विरूद्धको सिरिजमा चयनकर्ताहरूले दिएको मौकालाई उनले असरदार ढंगले प्रयोग गरे। चेन्नई सुपर किङ्सका लागि आइपिएलमा जडेजाले राम्रो प्रदर्शन गरे चयनकर्तालाई दबाब हुने निश्चित छ। त्यस्तै उनको हरेक असफलता पनि उनीविरूद्ध हुनेमा दुईमत छैन।
खलील अहमद: मोहम्मद शमीको उदाउँदो प्रदर्शनले लेफ्ट आर्म सिमर खलिल अहमदलाई टोलीको समिकरण बाहिर पुर्याएको छ। हुन त धेरैले चौथो नम्बरमा सिमरको पक्षपोषण गर्दे आएका छन्। एशिया कपमा ३ म्याचमा उनले ४ विकेट लिएका थिए। आइपिएलमा उनको प्रदर्शनले चयनकर्तालाई राम्रै दबाब दिन सक्छ। विश्वकपमा उनले ठाउँ बनाउनका लागि टिम व्यवस्थापनको चार सिमर लाने निर्णयमा पनि उत्तिकै भर पर्ने देखिन्छ।
उमेश यादव: पछिल्लो १८ महिनामा भारतले मोहम्मद सिराज, दीपक चाहर, सिद्धार्थ कौल तथा शार्दल ठाकुर लगायतका सिमरलाई परिक्षण गरिसकेको छ। यस्तोमा दिनेश यादव सबैभन्दा पछि रहेका छन्। अन्तराष्ट्रिय अनुभव यी खेलाडीको दाँजोमा धेरै रहेको फाइदा भने उनलाई छ। उमेश सिम र स्वीङ दुबै गर्छन्। गति पनि उनको राम्रो छ भने र्याकर पनि राम्रो फाल्छन्। त्यसैले आइपिएलमा उनले गर्ने प्रदर्शनले चयनकर्ताहरूलाई विचार गर्ने अवस्थामा पुर्याउने उत्तिकै सम्भावना छ।
भारतीय टोलीको वर्तमान तस्विरले टोलीलाई १-२ नभई कयौं खेलाडीको आवश्यक्ता रहेको देखाउँछ। कारण पछिल्लो समय परिक्षण गरिएका वैकल्पिक खेलाडीले आशा अनुरूपको भरोसा दिन असफल रहे। यस्तोमा आइपिएलमा उनीहरूले देखाउने असाधारण प्रदर्शनले चयनकर्ताहरूलाई कहि न कहि सोच्न बाध्य तुल्याउनेछ।
