अस्ट्रेलियाविरूद्धको खेलमा भारतीय टोलीले पुलुवामा हमलामा ज्यान गुमाएका जवानहरूको सम्मानमा आर्मीको क्याप लगाएर मैदानमा उत्रियो। योसँगै टिमले आफ्नो म्याचको पारिश्रमिक पनि ज्यान गुमाएका परिवारको सहयोगका लागि दान गर्यो।
भारतीय क्रिकेट खेलाडीको यो रवैयामा पाकिस्तान क्रिकेट बोर्ड (पिसिबी)ले आपत्ति प्रकट गर्दै आइसिसमा उजुरी गर्यो।
उसले भारतीय क्रिकेट टिमलाई कारवाही हुनुपर्ने माग गरेको छ। पाकिस्तानका मन्त्री फवाद चौधरीले भारतले खेलमा राजनीतिकरण गरेको आरोप लगाइसकेका छन्।
पाकिस्तानको उजुरीको भारतलाई कुने नोकसानी भने भएको छैन। आइसिसीले भारतीय खेलाडीले दिवगंत सैनिक जवानप्रति सम्मान प्रकट गरेकाले सो अनुमति दिएको स्पष्ट पारिसकेको छ।
यो प्रकरण अझै सेलाएको छैन्। पाकिस्तानका अलराउण्डर शाहद अफ्रिदीले टिम इण्डियाको यस क्रियाकलापको मजाक उडाएका छन्। सोमबार नेशनल स्टेडियम कराचीमा मिडियासँग कुरा गर्दै अफ्रिदीले मजाक उडाएका हुन्। यसक्रममा टिमका मेनेजर नदीम खानले बिचमा हस्तक्षेप गर्दै पत्रकारलाई सम्बन्धित विषयमा कुरा गर्ने आग्रह गरेका थिए।
पत्रकारले उनको सो आग्रमा खेद प्रकट गरेपनि अफ्रिदी भने रोकिएनन्, हास्यास्पद टिप्पनी गरिहाले।
'क्याप लगाएपछि किन फेरि फुकालेको।'
भारतका ब्याटस्म्यानका कोच भरत अरूणले मंगलबार बारतको बाउ गरे। उनले टिमले सहि लागेको कुरा गरेको र यसमा सेनाको सम्मान भएको बताए। ''हामीले देशाका लागि जे गर्न पर्ने थियो त्यही गरेका हौं। सेनाले यस देशका लागि गरेको कामको सम्मानका लागि गरिएको हो', उनले भने।
भारत र अस्ट्रेलिया दिल्लीमा बुधबार सिरिजको पाँचौं तथा निर्णायक म्याच खेल्दैछन्।