भारतको पुलुवामामा भएको आतंकवादी हमलामा भारत-पाकिस्तानको राजनीतिसँगमात्र जोडएको छैन। भारतको हर क्षेत्र यसको विरोधमा उत्रेका छ। यसमा क्रिकेट अछुतो रहने कुरै भएन। राष्ट्रिय टोलीमा आगामी विश्वकपमा पाकिस्तानलाई प्रतिबन्ध लगाउनुपर्नेसम्मको माग उठिसकेको छ।
उनीहरूले जारी विश्वकपमा भारतले पाकिस्तानसँग विश्वकप खेल्न नहुने बताउँदै आएका छन्। भारतको यस किसिमको भनाइमा पाकिस्तानका पूर्व स्टार क्रिकेटर शोयब अख्तरले आफ्नो प्रतिक्रिया दिएका छन्।
उनले भारतलाई पाकिस्तानसँग क्रिकेट खेल्ने-नखेल्नेबारेमा छनौट गर्ने पूरा अधिकार भएको तर यसैको नाममा राजनीति गर्ने नहुने बताएका छन्।
'भारतले त्यो देशसँग खेल्दिन भन्न पाउँछ जसले उसमाथि गलत गरेको छ जस्तो उसलाई लाग्छ तर भारतिय खेलाडीले जसरी यसलाई राजनीतिसँग जोडिरहेका छन्, यो गलत छ', उनले भने।
उनले सो हमलामा ज्यान गुमाएकाप्रति दु:खसमेत प्रकट गरेका छन्।
'के खेलमा राजनीति हुनुपर्छ? अहँ हुँदैन। हामीलाई भारतका जवानले यस्तो खराब अवस्थाको सामना गरेकोमा दु:ख लागेको छ तर जब म आफ्नो देशको कुरा गर्छु तब हामी एक छौं, हामी भित्र एकताको भावना छ र हामी हाम्रा प्रधानमन्त्रीको बयानको समर्थन गर्छौ', शोयबले अगाडी भने।
