भारतिय बलर हरभजन सिंहले पुलुवामा आतंकवादी हमलापछि बेलायतमा हुने आगामी विश्वकपमा भारतले पाकिस्तानसँग खेल्न नहुने बताएको खुलासा भएको छ। ३० मेमा सुरू हुने सो प्रतियोगिता हरभजन माग भारतिय क्रिकेट बोर्डले सम्भव नहुने बताएको छ।
हरभजनले पाकिस्तानसँग सो म्याच नखेलेपनि भारत विश्वकप जित्ने बलियो अवस्थामा रहेको बताएका थिए। उनले देशको वर्तमान अवस्थामा क्रिकेट खेलाडी पनि देशसँगै उभिनु तर्क राखेका थिए। यस्तो नगरे हाल चलिरहेको अवस्था चलिनै रहने धारणा राखेका थिए। उनले क्रिकेटसँगै अरू खेलमा पनि यस्तै रवैया अपनाउनुपर्ने बताएको भारतिय संचारमाध्यमले जनाएका छन्।
'हरभजनले आफ्नो कुरा भने तर सेमिफाइनल वा फाइनलमा पाकिस्तानसँग खेल्नु परे हामीले नखेल्ने त? हामी काल्पनिक कुरा गर्दैछौ', बिसिसिआइका एक वरिष्ठ अधिकारीले भने।
त्यस्तै अन्तराष्ट्रिय क्रिकेट परिषदले पनि मंगलबार त्यस्तो कुनै सम्भावना नरहेको बताएको छ। जुन १६ मा भारत र पाकिस्तान एकअर्कासँग भिड्दैछन्।
स्मरणिय रहोस हरभजनले यस्तो बताए पनि सन् १९९९ मा कारिगल युद्धको चरम अवस्थामा पनि भारत र पाकिस्तानले इकअर्कासँग विश्वकप खेलेका थिए।