थाइल्याण्डमा जारी आईसिसि महिला टी २० विश्वकप, एसिया क्षेत्रीय छनोटको खेलमा चीनले पहिलो जित निकालेको छ।
मंगलबार बैंककमा भएको रोमाञ्चक खेलमा हङकङलाई १ विकेटले हराउँदै जित निकालेको हो।
हङकङले दिएको ८६ रनको लक्ष्य पछ्याएको चीनले अन्तिम बल बाँकी हुँदा ९ विकेट गुमाएर लक्ष्य पुरा गर्यो। उसका लागि कप्तान हुवाङ ज्यूले सर्वाधिक २४ रन बनाउँदा झाङ मेइले २३ रन जोडिन्। ओपनर झाङ चानले ११ रन बनाउनुबाहेक अन्य कुनै पनि खेलाडीले दोहोरो रन जोड्न सकेनन्।
हङकङका लागि ई शान टुले सर्वाधिक ३ विकेट लिए पनि टोलीलाई जिताउन सकिनन्। कारी चान र बेट्टी चानले २-२ विकेट लिए।
यसअघि टस हारेर पहिले ब्याटिङ गरेको हङकङले निर्धारित २० ओभरमा ८ विकेट गुमाउँदै ८६ रन बनाएको थियो।
उसका लागि ई शान टु ले सर्वाधिक ३७ रन बनाएकी थिइन्। एस्मिन दासवानीले १२ तथा केरी चानले ११ रन बनाउनुबाहेक हङकङका बाँकी खेलाडीले दोहोरो रनको स्कोर छुन सकेनन्।
चीनका लागि वाङ मेनले २ विकेट लिइन्।
यो जितसँगै चीनले ७ टोली सहभागी प्रतियोगिताको पाँचौ स्थानमा उक्लिएको छ। लगातार दोस्रो खेलमा पराजित हङकङ तालिकाको छैठौं स्थानमा छ। यस्तै चीनले आठौं अन्तर्राष्ट्रिय खेलमा पहिलो जित निकालेको हो।
आजै भएको पहिलो खेलमा मलेसियालाई ३४ रनले हराएको थियो।