नेपाली लेग स्पिनर सन्दीप लामिछानेले अष्ट्रेलियामा जारी बिगब्यासको फाइनलमा पनि विकेटविहिन भएका छन्।
सन्दीपले आइतबार भएको फाइनललमा मेलबर्न रेनिगेड्सविरूद्ध ४ ओभर बलिङ गर्दै १६ रन खर्चिए पनि कुनै विकेट लिएनन्।
आफ्नो पहिलो ओभरमा २ रन खर्चिएका सन्दीपले दोस्रो ओभरमा १ चौकासहित ५ रन खर्चिए।
आफ्नो तेस्रो ओभरमा ३ रन मात्र खर्चिए पनि विकेट लिन सकेनन्।
अन्तिम ओभरमा ६ रन खर्चिएसँगै सन्दीप बिग ब्यासको फाइनलमा पनि विकेट बिहिन भएका हुन्। यसअघि उनी सेमिफाइनलमा पनि विकेट बिहिन भएका थिए।
यो सँगै सन्दीयले बिग ब्यासमा ११ विकेट सँगै लिग सकाउने भएका हुन्।
सुरूवाती ४ खेलमा ८ विकेट लिएका उनले आफ्नो पाँचौ खेलमा कुनै विकेट लिन सकेनन्। लिगका लागि आफ्नो छैठौं खेलमा ३ विकेट लिएका उनले सेमिफाइनलमा विकेट बिहिन बनेका थिए।
सन्दीपले भारतको इण्डियन प्रिमियर लिग, बंगलादेशको बंगलादेश प्रिमियर लिग, वेस्टइण्डिजको क्यारेबियन प्रिमियर लिग, क्यानडाको ग्लोबल क्यानडा टी-२० जस्ता विदेशी फ्रेन्चाइजी लिग खेलिसकेका छन्।
सन्दीपले खेलेका विदेशी फ्रेन्चाइजी लिगमध्ये फाइनल खेल्न लागेको यो नै पहिलो पटक हो।
यसपछि सन्दीप युएई जानेछन्। त्यहाँ जारी पाकिस्तान सुपर लिगमा उनले क्लालान्दरबाट खेल्नेछन्।
