१२ औं संस्करणको इन्डियन प्रीमियर लिग (आईपिएल) मा खेलाडी लिलामी सुरू भएको छ।
अहिलेसम्म लिलामी भएका खेलाडीमध्ये जयदेव उनादकट सबैभन्दा महङ्गा खेलाडी भएका छन्। उनलाई ८ करोड ४० लाख भारतीय रूपैयाँमा राजस्थान रोयल्सले खरिद गरेको छ।
यसअघि सन् २०१७ मा ११ करोड ५० लाख रूपैयाँमा बोली लागेका उनलाई यसपाली करिब ८ करोड ५० लाख रूपैयाँमा राजस्थानले खरिद गरेको ह्यो।
यसअघि पनि उनी राजस्थान रोयल्सबाटै खेलेका थिए।
यस्तै गुजरातकै अक्षर पटेललाई दिल्ली क्यापिटलले ५ करोड रूपैयाँमा टिममा भित्र्याएको छ। उनको न्यूनतम् मूल्य १ करोड भारतीय रूपैयाँ थियो।
क्यान्सर जितेर क्रिकेटमा पुनः फर्किएका युवराज सिंहलाई अहिलेसम्म कसैले पनि आफ्नो टिममा राखेका छैनन्। न्यूनतम् मूल्य १ करोड रहेका सिंहलाई कुनै पनि टिमले आफ्नो टिममा नराखेका हुन्।
युवराज सँगै मार्टिन गुप्तिल र ब्र्याण्डम म्याकुलमलाई पनि कुनै टिमले खरिद गरेका छैनन्।
अस्ट्रेलियाका स्पिनर एडम जम्पालाई पनि अहिलेसम्म कसैले आफ्नो टिममा राखेका छैनन्।
इंग्लिस खेलाडी क्रिस वोक्ससँगै भारतीय खेलाडी चेतेश्वर पुजारा र मनोज तिवारीलाई पनि अहिलेसम्म कसैले खरिद गरेका छैनन्।
रोयल च्यालेन्जर्स बेंगलुरूले न्यूनतम् मूख्य ५० लाखका वेस्ट इण्डिज खेलाडी शिमरन हेटमेयरलाई ४ करोड २० लाख रूपैयाँमा आफ्नो टिममा राखेको छ।
यस्तै ५० लाख न्यूनतम् मूल्यका हनुमा बिहारीलाई दिल्ली क्यापिटलले दुई करोड भारतीय रूपैयाँमा खरिद गरेको छ।
यस्तै किंग्स इलाभेन पञ्जाबले मोहम्मद शामीलाई ४ करोड ८० लाखमा खरिद गरेको छ। उनको न्यूनतम् मूल्य १ करोड थियो।
श्रीलंकन खेलाडी लासिथ मालिंगालाई न्यूनतम् मूल्य २ करोडमै मुम्बई इण्डियन्सले खरिद गरेको छ।
चेन्नई सुपरकिंग्सका मोहित शर्मा पाँच करोडमा बिक्दा राजस्थान रोयल्सले वरुण एरोनलाई २ करोड ४० लाखमा खरिद गरेको छ। यस्तै ७५ लाख न्यूनतम् मूल्यका निकोलस पूरनलाई ४ करोड २० लाख भारतीय रूपैयाँमा खरिद गरेको छ।
जोनी बेयरस्टोलाई सनराइजर्स हैदराबादले २ करोड २० लाखमा खरिद गर्दा न्यूनतम् मूल्य १ करोडका इशान्त शर्मालाई दिल्ली क्यापिटल्सले १ करोड १० लाखमा भित्र्याएको छ।
किंग्स इलाभेन पञ्जाबले मोइजेज हेनरिक्सलाई उनको न्यूनतम् मुल्य १ करोड भारतीय रूपैयाँमा खरिद गरेको छ।
कोलकाता नाइट राइडर्सले ७५ लाख न्यूनतम् मूल्यका कार्लोस ब्राथवेटलाई ५ करोड रूपैयाँमा खरिद गरिसकेको छ।
यी हुन् महङ्गा खेलाडीहरू
- जयदेव उनाडकट- ८ करोड ४० लाख- राजस्थान रोयल्स
- वरूण चक्रवर्ती- ८ करोड ४० लाख- किङ्स इलाभेन पञ्जाब
- साम चुरन- ७ करोड २० लाख – किङ्स इलाभेन पञ्जाब
- कोलिन इन्ग्राम- ६ करोड ४० लाख- दिल्ली क्यापिटल
- कार्लोस ब्राथवे६- ५ करोड- कोलकत्ता नाइट राइडर्स
- अक्सर राजेश पटेल- ५ करोड- दिल्ली क्यापिटल
- मोहित शर्मा- ५ करोड- चेन्नई सुपर किङ्स
- शिभम् दुबे – ५ करोड- रोयल च्यालेन्जर्स बैंलोर